കുന്നംകുളത്ത് എക്സൈസിന്റെ കഞ്ചാവ് വേട്ട.ക്രിസ്തമസ് പുതുവത്സര കച്ചവടത്തിന് എത്തിച്ച ഒരു കിലോ കഞ്ചാവുമായി 24 കാരന്‍ പിടിയില്‍

കുന്നംകുളം:ചെമ്മണ്ണൂരിൽ കുന്നംകുളം എക്സൈസിന്റെ കഞ്ചാവ് വേട്ട. ഒരു കിലോ കഞ്ചാവ് പിടികൂടി. സംഭവത്തിൽ ചൊവ്വല്ലൂർ സ്വദേശിയും നിലവിൽ കുന്നംകുളം ചെമ്മണ്ണൂരിലെ വാടകവീട്ടിൽ താമസക്കാരനുമായ 24 വയസ്സുള്ള അൻസാറിനെ കുന്നംകുളം റേഞ്ച് എക്സൈസ് ഇൻസ്പെക്ടർ മണികണ്ഠന്റെ നേതൃത്വത്തിലുള്ള എക്സൈസ് സംഘം അറസ്റ്റ് ചെയ്തു.പരിശോധനയിൽ ഇയാളിൽ നിന്ന് 1 കിലോ 100 ഗ്രാം കഞ്ചാവ് എക്സൈസ് സംഘം പിടികൂടി.ക്രിസ്തുമസ് പുതുവത്സര വിപണി മുന്നിൽ കണ്ടു കൊണ്ടാണ് പ്രതി മേഖലയിലെ യുവാക്കൾക്കും വിദ്യാർത്ഥികൾക്കും വിൽപ്പന നടത്തുന്നതിനായി കഞ്ചാവ് കൊണ്ടുവന്നിരുന്നതെന്ന് എക്സൈസ് ഉദ്യോഗസ്ഥർ പറഞ്ഞു. രണ്ടു പേർക്ക് വിൽപ്പന നടത്തുന്നതിനിടയാണ് പ്രതികഞ്ചാവുമായി പിടിയിലായത്.ഇയാളുടെ ചെമ്മണ്ണൂരിലെ വാടകവീട്ടിൽ വെച്ചാണ് കഞ്ചാവ് വിൽപ്പന നടത്തിയിരുന്നത്.രഹസ്യ വിവരത്തെ തുടർന്ന് എക്സൈസ് സംഘം പ്രതികളെ നിരീക്ഷിച്ചുവരുന്നതിനിടെയാണ് കഞ്ചാവുമായി പ്രതി പിടിയിലായത്.ക്രിസ്തുമസ് ന്യൂ ഇയർ ആഘോഷങ്ങൾക്ക് മുന്നോടിയായി മേഖലയിൽ വ്യാപക പരിശോധന നടത്തുമെന്ന് എക്സൈസ് ഇൻസ്പെക്ടർ കെ. മണികണ്ഠൻ അറിയിച്ചു.അസിസ്റ്റൻറ് എക്സൈസ് ഇൻസ്പെക്ടർമാരായ സുനിൽകുമാർ,ശിവശങ്കരൻ, സുനിൽദാസ്, സിദ്ധാർത്ഥൻ, സിവിൽ എക്സൈസ് ഓഫീസർമാരായ ആനന്ദ്, ഗണേശൻ പിള്ള, സതീഷ് എന്നിവരടങ്ങിയ സംഘമാണ് പ്രതിയെ പിടികൂടിയത്. വൈദ്യ പരിശോധനയ്ക്കുശേഷം പ്രതിയെ കോടതിയിൽ ഹാജരാക്കും.