കനത്ത മഴയിലും തളരാതെ തീർഥാടക പ്രവാഹം; അയ്യപ്പ സന്നിധിയിൽ ഇന്ന് കാർത്തികദീപം തെളിയും

തുടർച്ചയായ രണ്ടാം ദിവസവും ശബരിമലയിൽ മഴ തുടരുന്നു. അടുത്ത മണിക്കൂറുകളിൽ സന്നിധാനം, പമ്പ, നിലയ്ക്കൽ എന്നിവിടങ്ങളിൽ ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നു കേന്ദ്ര കാലാവസ്ഥാ വകുപ്പ് അറിയിച്ചു. ദർശനത്തിനും പതിനെട്ടാംപടി കയറാനും രാവിലെ തിരക്കുണ്ട്. വലിയ നടപ്പന്തലിൽ തീർഥാടകർ തിങ്ങിനിറഞ്ഞു. ഫോറസ്റ്റ് ഓഫിസ് പടി വരെ വരിയുണ്ട്. മഴ, തൊട്ടടുത്തു നിൽക്കുന്നവരെ കാണാൻ കഴിയാത്ത കോടമഞ്ഞ് എന്നിവ ഉണ്ടെങ്കിലും പമ്പയിൽനിന്നു സന്നിധാനത്തേക്കു ധാരാളം തീർഥാടകർ മല കയറുന്നുണ്ട്. ഇന്നു തൃക്കാർത്തികയാണ്. വൈകിട്ട് അയ്യപ്പ സന്നിധിയിൽ കാർത്തിക ദീപങ്ങൾ തെളിക്കും