ലോക പ്രമേഹദിനത്തോട് ഓർക്കിഡ് ആശുപത്രി സൗജന്യ മെഡിക്കൽ ക്യാമ്പും വാക്കത്തോണും സംഘടിപ്പിച്ചു

ചങ്ങരംകുളം: ലോക പ്രമേഹദിനത്തോട് അനുബന്ധിച്ച് ചങ്ങരംകുളം ഓർക്കിഡ് ആശുപത്രിയുടെ ആഭിമുഖ്യത്തിൽ സൗജന്യ മെഡിക്കൽ ക്യാമ്പും വാക്കത്തോണും സംഘടിപ്പിച്ചു. ചങ്ങരംകുളം ഹൈവേയിൽ നിന്നും ആരംഭിച്ച വാക്കത്തോൺ ചങ്ങരംകുളം സബ് ഇൻസ്‌പെക്ടർ ജിതിൻ വാസ് ഫ്ലാഗ് ഓഫ് ചെയ്തു. തുടർന്ന് ആശുപത്രിയിൽ നടന്ന മെഡിക്കൽ ക്യാമ്പ് ഉദ്ഘാടനം തൃത്താല എം എൽ എ വി ടി ബൽറാം നിർവഹിച്ചു. ആശുപത്രി ജനറൽ മാനേജർ മുഹമ്മദ്‌ റോഷൻ അധ്യക്ഷത വഹിച്ചു. നന്നംമുക്ക് ഗ്രാമ പഞ്ചായത്ത് പ്രസിഡന്റ് ചാന്ദ്നി രവീന്ദ്രൻ, ആലംകൊട് ഗ്രാമ പഞ്ചായത്ത് വൈസ് പ്രസിഡന്റ് സുബൈർ, സുഹ്‌റ മമ്പാട്,ആനന്ദ്, പി പി എം അഷ്‌റഫ്‌,ജബ്ബാർ ആലംകോട്, അബ്ദു കാണിയിൽ, ഡയരക്ടർമാരായ അലി, ഖാലിദ്, ആശുപത്രി അസിസ്റ്റന്റ് ജനറൽ മാനേജർ സുബ്രമണ്യൻ, മാർക്കറ്റിങ് മാനേജർ ആഷിക്ക് നന്നംമുക്ക് എന്നിവർ സംസാരിച്ചു.പി ആർ ഒ സുജിത് നന്ദി പറഞ്ഞു.ഡോ. ആദിൽ ഷാ,തൃശൂർ കിംസ് ആശുപത്രിയിലെ പ്രശസ്ത ഡോ. അജയ് നതാൻ, ജിഷ എന്നിവർ വിവിധ വിഭാഗത്തിൽ ക്ലാസ് എടുത്തു. സുനിത പ്രജീഷ്, ശമിറ മുജീബ് എന്നിവർ ക്യാമ്പിന് നേതൃത്വം നൽകി.
അസ്സബാഹ് എൻ എസ് എസ് വിദ്യാർത്ഥികൾ, ലയൺസ് ക്ലബ്, മെക് സെവൻ, തുടങ്ങിയ കൂട്ടായ്മകൾ വാക്കത്തോണിൽ പങ്കാളികളായി.