ചങ്ങരംകുളത്ത് കടകള്‍ക്ക് നേരെ കല്ലേറ് ‘തടയാനെത്തിയ പോലീസ് വാഹനത്തിനും കല്ലെറിഞ്ഞു’ഗ്ളാസുകള്‍ തകര്‍ന്നു ‘യുവാവ് കസ്റ്റഡിയില്‍..

കടകള്‍ക്കും പോലീസ് വാഹനത്തിനും നേരെ വ്യാപകമായി അക്രമം നടത്തിയ യുവാവിനെ പോലീസ് കസ്റ്റഡിയില്‍ എടുത്തു.ചൊവ്വാഴ്ച പുലര്‍ച്ചെ 2 മണിയോടെ ചങ്ങരംകുളം ടൗണിലാണ് നാടകീയ സംഭവങ്ങള്‍ അരങ്ങേറിയത്.ഇതര സംസ്ഥാന തൊഴിലാളിയായ യുവാവ് അക്രമാസ്ഥനായി ടൗണിലെ കടകളിലേക്ക് കല്ലെറിയുകയായിരുന്നു.അക്രമത്തില്‍ മൂന്നോളം കടകളുടെ ഗ്ളാസുകള്‍ തകര്‍ന്നു.സംഭവം ശ്രദ്ധയില്‍ പെട്ടതോടെ നാട്ടുകാര്‍ ചങ്ങരംകുളം പോലീസിനെ വിവരം അറിയിച്ചു.പോലീസെത്തി യുവാവിനെ പിന്തിരിപ്പിക്കാന്‍ ശ്രമിച്ചെങ്കിലും ഇയാള്‍ പോലീസ് വാഹനത്തിന് നേരെയും കല്ലെറിഞ്ഞു.പോലീസ് വാഹനത്തിന്റെ മുന്‍വശത്തെ ഗ്ളാസ് തകര്‍ന്നതോടെ പോലീസ് ബലംപ്രയോഗിച്ച് ഇയാളെ കസ്റ്റഡിയില്‍ എടുക്കുകയായിരുന്നു.ഏറെ നേരം ഭീതി പരത്തിയ യുവാവിന് മാനസിക പ്രശ്നങ്ങള്‍ഉള്ളതായി പോലീസ് അറിയിച്ചു.ഇയാളെ മാനസികാരോഗ്യ കേന്ദ്രത്തിലേക്ക് മാറ്റാനുള്ള തയ്യാറെടുപ്പിലാണ് പോലീസ്