ഡല്‍ഹി: മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാറിനെതിരെ രാജ്യ വ്യാപക പ്രതിഷേധത്തിന് കോണ്‍ഗ്രസ്. വോട്ട് ബച്ചാവോ ദേശ് ബാച്ചാവോ ക്യാമ്പയിന്‍, ശനിയാഴ്ച മുതല്‍ തുടങ്ങും. നവംബര്‍ 1 ന് ഡല്‍ഹി രാം ലീലാ മൈതാനത്താണ് മഹാറാലി.ഗ്യാനേഷ് കുമാറിന് എതിരായ വിജിലന്‍സ് കേസുകളുടെ തുടര്‍ അന്വേഷണം കോണ്‍ഗ്രസ് ഹൈക്കമാന്‍ഡ് നിര്‍ദേശപ്രകാരം എന്നും കെ സി വേണുഗോപാല്‍ എംപി പറഞ്ഞു. അന്വേഷണം കോണ്‍ഗ്രസ് ഹൈക്കമാന്‍ഡ് നിര്‍ദ്ദേശപ്രകാരമെന്നുമ വ്യക്തമാക്കി. മൂന്ന് വിജിലന്‍സ് കേസുകള്‍ ആണ് ഗ്യാനേഷിന് എതിരെ ഉണ്ടായിരുന്നത്. ഇതില്‍ മൂന്നിലും തുടര്‍അന്വേഷണം ഉണ്ടാകുമെന്ന സൂചന കെ സി വേണുഗോപാല്‍ നല്‍കി
മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാര്‍ രാജിവയ്ക്കും വരെ പ്രതിഷേധം തുടരണമെന്ന് സംസ്ഥാനങ്ങളിലെ കോണ്‍ഗ്രസ് നേതൃത്വങ്ങള്‍ക്ക് ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി നിര്‍ദേശം നല്‍കി. വിഷയം ധീരമായി ഉന്നയിക്കണമെന്നും രാഹുല്‍ ഗാന്ധി വ്യക്തമാക്കിയിട്ടുണ്ട്.
അതേസമയം, ഫോം 6-ല്‍ ഏകപക്ഷീയമായി മാറ്റം വരുത്തിയെന്ന രാഹുല്‍ ഗാന്ധിയുടെ ആരോപണം തള്ളി കേന്ദ്ര തെരഞ്ഞെടുപ്പ് കമ്മീഷന്‍ രംഗത്തെത്തി. ബിജെപിയെ സഹായിക്കാന്‍ ഗ്യാനേഷ് കുമാര്‍ അധികാരം ദുര്‍വിനിയോഗം ചെയ്തുവെന്ന രാഹുലിന്റെ സമൂഹമാധ്യമ പോസ്റ്റ് തെറ്റിദ്ധരിപ്പിക്കുന്നതാണെന്ന് കമ്മീഷന്‍ വ്യക്തമാക്കി. 2025 ജൂണ്‍ 24-ലെ ഉത്തരവ് തിരഞ്ഞെടുപ്പ് കമ്മീഷന്റെ പൂര്‍ണ്ണ അംഗീകാരത്തോടെയാണ് പുറപ്പെടുവിച്ചതെന്നും, സുപ്രീംകോടതി ഇത് ശരിവെച്ചതാണെന്നും കമ്മീഷന്‍ ചൂണ്ടിക്കാട്ടി. ഫോം 6-നൊപ്പമുള്ള ഡിക്ലറേഷന്‍ സുപ്രീംകോടതി അംഗീകരിച്ചതാണെന്ന് വ്യക്തമാക്കുന്ന വാര്‍ത്താക്കുറിപ്പ് നേരത്തെ തന്നെ പുറത്തിറക്കിയിട്ടുള്ളതാണെന്നും തിരഞ്ഞെടുപ്പ് കമ്മീഷന്‍ അറിയിച്ചു
