മാറഞ്ചേരി
പൊന്നാനി വേൾഡ് കൾച്ചറൽ ഫൗണ്ടേഷൻ്റെ ആഭിമുഖ്യത്തിൽ സംഘടിപ്പിക്കുന്ന ത്രൈമാസ ലഹരി വിരുദ്ധ പരിപാടികളുടെ ഭാഗമായി
പി.സി ഡബ്ല്യൂ എഫ് മാറഞ്ചേരി ഘടകത്തിൻ്റെ നേതൃത്വത്തിൽ ലഹരിക്കെതിരെ തിരിനാളം തീർക്കും.ഒക്ടോബർ 3 ന് വൈകീട്ട് 6 മണിക്ക് മാറഞ്ചേരി സെൻ്ററിലാണ് ‘ലഹരി വിമുക്ത സൃഷ്‌ടിക്കായ് എന്ന സന്ദേശമുയർത്തി ബഹുജനങ്ങളെ അണിനിരത്തിക്കൊണ്ട് പരിപാടി സംഘടിപ്പിച്ചിരിക്കുന്നത്. പി.സി ഡ ബ്ല്യൂ എഫ് അംഗങ്ങൾ,എക്സൈസ് ,പോലീസ് ഉദ്യോഗസ്ഥർ, രാഷ്‌ട്രീയ സാമൂഹിക സാംസ്‌കാരിക രംഗത്തെ പ്രമുഖർ, ജനപ്രതിനിധികൾ,മറ്റു ബഹുജനങ്ങൾ എന്നിവർ പരിപാടിയിൽ അണിനിരക്കുമെന്ന് സംഘാടകർ വാർത്താ സമ്മേളനത്തിൽ അറിയിച്ചു.
2026 സെപ്റ്റംബർ 19 മുതൽ ഡിസംബർ 19 വരെ നീണ്ടു നിൽക്കുന്ന ത്രൈമാസ ലഹരിവിരുദ്ധ കാംപയിനിൽ ‘കായികമാണ് ലഹരി ‘ എന്ന ശീർഷകത്തിൽ ഫുട്ബോൾ മൽസരം ,ലഹരിക്കെതിരെ കരുക്കൾ നീക്കാം എന്ന സന്ദേശത്തിൽ ചെസ്സ് ടൂർണമെൻ്റ്,രക്തദാനക്യാമ്പ്,വിദ്യാർഥി സംഗമം ,ലഘുലേഖവിതരണം,ഭവന സന്ദർശനങ്ങൾ,വനിതാ സംഗമങ്ങൾ,ബൈക്ക് റാലി,തൊഴിലാളിസംഗമം ,കുടുംബയോഗങ്ങൾ എന്നിങ്ങനെ വൈവിധ്യമാർന്ന പരിപാടികൾ നടക്കും.ലഹരി വസ്തുക്കളുടെ നിയമവിരുദ്ധ ശേഖരണം,ഉറവിടം,വിതരണം എന്നിവ കണ്ടെത്തി കുറ്റവാളികളെ നിയമത്തിന് മുന്നിൽ കൊണ്ടുവരിക,ലഹരിക്കടിമപ്പെട്ടവരെ ലഹരിവിമുക്തമാക്കാൻ ആൻ്റി ഡ്രഗ് ഫോറം രൂപികരിക്കുക,ഡി. അഡിക്ഷൻ സെൻ്ററുകൾ സ്ഥാപിക്കുക എന്നീ പ്രവർത്തനങ്ങൾക്കും ഇക്കാലയളവിൽ തുടക്കം കുറിക്കും.വാർത്താസമ്മേളനത്തിൽ പി.ഡി.ഡബ്ല്യൂഎഫ് കേന്ദ്രകമ്മിറ്റിയംഗം
ഇ. ഹൈദരലി മാസ്റ്റർ,പ്രസിഡണ്ട്-ശ്രീരാമനുണ്ണി മാസ്റ്റർ, സെക്രട്ടറി-എം.ടി നജീബ്, വർക്കിംഗ്‌ പ്രസിഡണ്ട്- കാട്ടിൽ മുഹമ്മദ്‌ കുട്ടി എന്നിവർ പങ്കെടുത്തു.
