എടപ്പാൾ: സമഗ്ര ശിക്ഷാ കേരളം എടപ്പാൾ ബി.ആർ.സിയുടെ ആഭിമുഖ്യത്തിൽ ഭിന്നശേഷി കുട്ടികൾക്കായി സഹായ ഉപകരണങ്ങൾ ലഭ്യമാക്കുന്നതിനായി ഓർത്തോ മെഡിക്കൽ ക്യാമ്പ് സംഘടിപ്പിച്ചു. വെള്ളിയാഴ്ച നടന്ന ക്യാമ്പിന് പൊന്നാനി താലൂക്ക് ആശുപത്രിയിലെ ഓർത്തോപീഡിക് സർജൻ ഡോ. ഉണ്ണികൃഷ്ണൻ നേതൃത്വം നൽകി.
എടപ്പാൾ ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ലൈസ് ക്യാമ്പിന്റെ ഉദ്ഘാടനം നിർവ്വഹിച്ചു. എടപ്പാൾ ബി.ആർ.സി ബി.പി.സി ഷമീൻ ആർ.എസ് സ്വാഗതവും സ്പെഷ്യൽ എഡ്യൂക്കേറ്റർ രാജേഷ് നന്ദിയും പറഞ്ഞു.
ക്യാമ്പിൽ പങ്കെടുത്ത 36 കുട്ടികളെ വിദഗ്ദ്ധ പരിശോധനയ്ക്ക് വിധേയരാക്കി. ഇവർക്ക് ആവശ്യമായ സഹായ ഉപകരണങ്ങൾ സംബന്ധിച്ച നിർദേശങ്ങൾ പരിശോധനയ്ക്ക് ശേഷം ഡോക്ടർ നൽകി.
