ചരിത്രം: ഏഷ്യന്‍ ഗെയിംസ് ഭാരോദ്വഹനത്തില്‍ വെള്ളി നേടി മീരാബായ് ചനു

ജപ്പാന്‍: രാജ്യത്തിന്റെ പ്രതീക്ഷകളുടെ ഭാരം ചുമന്നെത്തിയ മീരാബായ് ചനു നിരാശപ്പെടുത്തിയില്ല. ഏഷ്യന്‍ ഗെയിംസ് ഭാരോദ്വഹനത്തില്‍ വെള്ളി നേടി ചരിത്ര നേട്ടം സ്വന്തമാക്കിയിരിക്കുകയാണ് ചനു. ഏഷ്യന്‍ ഗെയിംസ് ഭാരോദ്വഹനത്തില്‍ ഒരു മെഡലിനായുള്ള ഇന്ത്യയുടെ 28 വര്‍ഷത്തെ കാത്തിരിപ്പിനാണ് ഇതോടെ വിരാമമായത്.1998 ബാങ്കോക്ക് ഗെയിംസിലെ കര്‍ണം മല്ലേശ്വരിയുടെ മെഡല്‍ നേട്ടത്തിന് ശേഷം ആദ്യമായാണ് ഭാരോദ്വഹനത്തില്‍ മെഡല്‍ സ്വന്തമാകുന്നത്. അതുകൊണ്ടുതന്നെ ഇന്ത്യക്കിത് സ്വര്‍ണത്തിളക്കമുള്ള വെള്ളി നേട്ടമാണ്. എല്ലാ മേജര്‍ ഇവന്റ്‌സിലും ഭരോദ്വഹനത്തില്‍ മെഡല്‍ നേടിയ താരമെന്ന കര്‍ണം മല്ലേശ്വരി ഒറ്റക്ക് ചുമന്ന റെക്കോര്‍ഡ് ഇതോടെ ചനുവിനും സ്വന്തമായി. 198 കിലോ ഗ്രാം ഭാരമുയര്‍ത്തിയാണ് ഒളിമ്പിക് വെള്ളി മെഡല്‍ ജേതാവായ മീരാബായ് ചനുവിന്റെ ആദ്യ ഏഷ്യന്‍ ഗെയിംസ് മെഡല്‍ നേട്ടം.അതേസമയം, നഗോയയിലെ ഷൂട്ടിങ് റേഞ്ചില്‍ ഇന്ത്യന്‍ മെഡല്‍ മുഴക്കം തുടരുകയാണ്. സ്‌കീറ്റ് പുരുഷ – വനിത ടീം വിഭാഗങ്ങളില്‍ ഇന്ത്യ വെങ്കലം സ്വന്തമാക്കി. എന്നാല്‍, പാരിസ് ഒളിമ്പിക്‌സിലെ ഇരട്ട മെഡല്‍ ജേതാവ് മനു ഭാക്കറിന് നേട്ടമുണ്ടാക്കാനായില്ല. 10 മീറ്റര്‍ എയര്‍ പിസ്റ്റള്‍ വ്യക്തഗതി – ടീം ഇനങ്ങളില്‍ മനുവിന് മെഡല്‍ നേടാനായില്ല. സോഫ്റ്റ് ടെന്നിസില്‍സെമിയില്‍ പൊരുതി വീണെങ്കിലും ജയ് മീണ മടങ്ങുന്നത് ഈ ഇനത്തില്‍ ഏഷ്യന്‍ ഗെയിംസില്‍ ഒരു ഇന്ത്യക്കാരന്റെ ആദ്യ മെഡല്‍ എന്ന ചരിത്ര നേട്ടത്തോടെയാണ്.