കേരള സ്റ്റേറ്റ് അത്ലറ്റിക്സ് അസോസിയേഷൻ സംഘടിപ്പിച്ച നോർത്ത് സോൺ ഓപ്പൺ കിഡ്സ് അത്ലറ്റിക്സ് ചാമ്പ്യൻഷിപ്പിൽ അമൽ ഇംഗ്ലീഷ് സ്കൂളിന് വൻ നേട്ടം

ചമ്മന്നൂർ: കേരള സ്റ്റേറ്റ് അത്ലറ്റിക്സ് അസോസിയേഷൻ സംഘടിപ്പിച്ച നോർത്ത് സോൺ ഓപ്പൺ കിഡ്സ് അത്ലറ്റിക്സ് 2026 ചാമ്പ്യൻഷിപ്പിൽ അമൽ ഇംഗ്ലീഷ് സ്കൂളിന് വൻ മുന്നേറ്റം. ‘ടീം എ ‘ടീം ബി വിഭാഗങ്ങളിൽ സ്കൂൾ ഓവർഓൾ ചാമ്പ്യൻഷിപ്പ് ട്രോഫികൾ സ്വന്തമാക്കി.മികച്ച പ്രകടനം പുറത്തെടുത്ത സ്കൂളിലെ കായികതാരങ്ങൾ ലെവൽ 2 ബോയ്സ്, ലെവൽ 2 ഗേൾസ് വിഭാഗങ്ങളിലെയും ഓവർഓൾ ചാമ്പ്യൻഷിപ്പുകൾ കൈക്കലാക്കി കായികരംഗത്ത് സ്കൂളിന്റെ ആധിപത്യം ഉറപ്പിച്ചു.വിദ്യാർത്ഥികളുടെ കഠിനാധ്വാനവും കായിക അധ്യാപകരുടെയും പരിശീലകരുടെയും മികച്ച രീതിയിലുള്ള പരിശീലനവുമാണ് ഈ വലിയ നേട്ടത്തിന് പിന്നിലെന്ന് മാനേജ്മെന്റ് വ്യക്തമാക്കി.കായികമേളയിൽ മിന്നുന്ന വിജയം കൈവരിച്ച വിദ്യാർത്ഥികളെയും അതിനായി പ്രയത്നിച്ച പ്രിൻസിപ്പാൾ,അഡ്മിനിസ്ട്രേറ്റർ കായിക അധ്യാപകർ,കോച്ചുകൾ എന്നിവരെയും മാനേജ്മെന്റ് ചെയർമാൻ അലി പഷ്ണത്തയിൽ പ്രത്യേകം അഭിനന്ദിച്ചു.