ഡൽഹിയിൽ കെട്ടിടം തകർന്നുണ്ടായ അപകടം ; മരണം 5 ആയി, മജിസ്റ്റീരിയൽ അന്വേഷണം പ്രഖ്യാപിച്ച് മുഖ്യമന്ത്രി

ഡൽഹി സത്യ നികേതനിൽ ഹോസ്റ്റൽ കെട്ടിടം തകർന്നുണ്ടായ അപകടത്തിൽ മരണം 5 ആയി. എയിംസിൽ (AIIMS) എത്തിച്ച പത്തുപേരിൽ നാലുപേർ മരിച്ച നിലയിലായിരുന്നു; ഗുരുതരാവസ്ഥയിലായിരുന്ന ഒരാൾ ചികിത്സയ്ക്കിടെ മരണപ്പെടുകയും ചെയ്തു.കെട്ടിടത്തിന്റെ ഉടമസ്ഥനെന്ന് ആരോപിക്കപ്പെടുന്ന ഹരിറാമിനും മറ്റുള്ളവർക്കുമെതിരെ ഡൽഹി പൊലീസ് എഫ്‌ഐആർ (FIR) രജിസ്റ്റർ ചെയ്തു. ഭാരതീയ ന്യായ സംഹിതയിലെ 105, 290, 125(a) എന്നീ വകുപ്പുകൾ പ്രകാരമാണ് സൗത്ത് ക്യാമ്പസ് പൊലീസ് സ്റ്റേഷനിൽ കേസ് രജിസ്റ്റർ ചെയ്തത്. കെട്ടിടത്തിന്റെ താഴത്തെ നിലയിൽ നടന്നുകൊണ്ടിരുന്ന നവീകരണ പ്രവർത്തനങ്ങളാകാം തകർച്ചയ്ക്ക് കാരണമായതെന്ന് ഡൽഹി പൊ ലീസ് അറിയിച്ചു