തിരുവനന്തപുരം:പ്രതിപക്ഷ ഉപനേതൃസ്ഥാനത്തെപറ്റി അവസാന വാക്ക് പറയാൻ പിണറായി വിജയൻ ആരാണെന്ന് സിപിഐ നേതാവ് സി.ദിവാകരൻ.പ്രതിപക്ഷ ഉപനേതൃസ്ഥാനത്തെച്ചൊല്ലിയുള്ള സിപിഎം- സിപിഐ തർക്കം രൂക്ഷമാകുന്നതിനിടെയാണ് സി.ദിവാകരന്റെ പ്രതികരണം.
ബുദ്ധിമുട്ടുണ്ടാക്കുന്ന സമീപനമാണ് പിണറായിയുടെ ഭാഗത്തുനിന്ന് ഉണ്ടാകുന്നതെന്നു സി.ദിവാകരൻ പറഞ്ഞു. അങ്ങനെ ഉണ്ടാകാൻ പാടില്ലാത്തതാണ്.മുന്നണിയെ കൊണ്ടുപോകേണ്ടതും വിട്ടുവീഴ്ച ചെയ്യേണ്ടതും സിപിഎമ്മാണ്.ഉപനേതാവ് സിപിഎമ്മിന്റെ കയ്യിലിരിക്കുന്ന അവകാശമല്ല.ഉപനേതാവ് ഇല്ലെങ്കിൽ എന്തിനാണ് സിപിഎം ബഹളം വയ്ക്കുന്നത്.തരില്ലെന്ന് പറയാൻ പിണറായിക്ക് എന്തു കാര്യം? ചർച്ച ചെയ്യണം.ചർച്ചയില്ലാതെ പറയുന്നത് ശരിയല്ല.പദവി നൽകാൻ സാധ്യമല്ലെന്നു പറയാൻ ആരെയും ചുമതലപ്പെടുത്തിയിട്ടില്ലെന്നും സി.ദിവാകരൻ പറഞ്ഞു.
