ചങ്ങരംകുളം:പള്ളിക്കര മഹല്ല് കമ്മിറ്റിയുടെയും മദ്രസത്തുൽ ഇസ്ലാമിയയുടെയും നേതൃത്വത്തിൽ വിപുലമായ മീലാദ് റാലി സംഘടിപ്പിച്ചു. തിരുനബി സ്വല്ലല്ലാഹു അലൈഹി വസല്ലമയുടെ 1501-ാം ജന്മദിനത്തോടനുബന്ധിച്ച് ‘നസീമേ മദീന’ എന്ന പേരിൽ സംഘടിപ്പിച്ച നബിദിനാഘോഷ പരിപാടികൾക്ക് മഹല്ല് പ്രസിഡന്റ് എം.വി.അബ്ദുറഷീദ് ഹാജി പതാക ഉയർത്തി തുടക്കം കുറിച്ചു.തുടർന്ന് നടന്ന മൗലിദ് സദസ്സിന് മഹല്ല് ഖത്തീബ് ആസിഫ് ഹുദവി ചെമ്മാട് നേതൃത്വം നൽകി. സദർ മുഅല്ലിം അബ്ദുൽ ഖാദർ ഫൈസി തലക്കശ്ശേരി മീലാദ് പ്രഭാഷണം നിർവഹിച്ചു.
എ.വി. അബ്ദുൽ ഖാദർ, വി.പി. ഉമർ, കെ.സി.അലി,അഹ്മദുണ്ണി ഹാജി, ടി.വി. ഉമ്മർ,വി.പി.ഇസ്മായിൽ, കെ.വി. മുഹമ്മദ് ഫാറൂഖി എന്നിവർ സംസാരിച്ചു.തുടർന്ന് നടന്ന മീലാദ് ഘോഷയാത്രയ്ക്ക് എൻ. സിദ്ദീഖ് മൗലവി, മുജീബ് അൻവരി,അബ്ദുറഹ്മാൻ വാഫി,സി.സി.ഉസ്മാൻ മൗലവി,അബ്ദുട്ടി തെക്കുമുറി, മോനുട്ടി പള്ളിക്കര, കാട്ടിൽ അഷ്റഫ്, ഡോ. ജസീൽ, നിയാസ് ഒ.പി., ഷാഫി ഒലംപറമ്പിൽ,പള്ളത്ത് മുഹമ്മദലി, അഷ്റഫ് കിടത്തേതിൽ,ജസീൽ പള്ളിക്കര, ഗഫൂർ പള്ളിക്കര,അസ്മി ഷഹബാസ്, ഫവാസ് പള്ളിക്കര,സലാഹുദ്ദീൻ വി.എസ്., എം.വി. ഷബീർ എന്നിവർ നേതൃത്വം നൽകി.
