മോഡേൺ ഹയർ സെക്കൻഡറി സ്കൂളിലെ കബ്ബ് & ബുൾബുൾ വിദ്യാർത്ഥികളുടെ നേതൃത്വത്തിൽ ഓണക്കിറ്റ് വിതരണത്തിന് തുടക്കമായി

എടപ്പാൾ:പോട്ടൂർ മോഡേൺ ഹയർ സെക്കൻഡറി സ്കൂളിലെ കബ്ബ് & ബുൾബുൾ വിദ്യാർത്ഥികളുടെ നേതൃത്വത്തിൽ സമൂഹത്തിലെ അർഹരായ ക്യാൻസർ രോഗികൾക്കും കിഡ്നി രോഗികൾക്കും മറ്റ് ആവശ്യക്കാരായ കുടുംബങ്ങൾക്കുമായി 15 ഇനങ്ങൾ ഉൾപ്പെടുത്തിയ ഓണക്കിറ്റ് വിതരണത്തിന് തുടക്കമായി.പ്രവർത്തനത്തിന്റെ ഉദ്ഘാടനം തിരൂർ ഡിഇഒ ശ്രീജ നിർവഹിച്ചു.അമീന്‍ പിജെ,കൃഷ്ണകുമാര്‍,സയ്യിദ് മിഷാബ് തങ്ങള്‍,ഹസ്സന്‍ മൗലവി,എവി സുഭാഷ്,അബ്ദുൾ അസീസ് എന്നിവർ പരിപാടിക്ക് നേതൃത്വം നൽകി.മറ്റുള്ളവരുടെ വേദന തിരിച്ചറിയാനും ആവശ്യമായിടത്ത് സഹായത്തിന്റെ കൈത്താങ്ങാകാനും മനുഷ്യത്വം ജീവിതത്തിന്റെ ഭാഗമാക്കാനും കുട്ടികളെ പ്രാപ്തരാക്കുക എന്ന ലക്ഷ്യത്തോടെയാണ് ഈ പ്രവർത്തനം സംഘടിപ്പിച്ചത്.