ഈഴവത്തിരുത്തി പ്രാഥമിക ആരോഗ്യ കേന്ദ്രത്തിന് എംപിയുടെ സമ്മാനം

പൊന്നാനി:ഈഴവത്തിരുത്തി മേഖലയിലെ 250 ൽ പരം കിടപ്പ് രോഗികൾക്ക് ആശ്വാസമായി ആരോഗ്യ കേന്ദ്രത്തിന് പുതിയ വാഹനം എത്തി.പൊന്നാനി എംപി.ഡോ:അബ്ദുസമദ് സമദാനിയുടെ പ്രദേശിക വികസന ഫണ്ടിൽ നിന്നും അനുവദിച്ച വാഹനമാണ് ഈഴവത്തിരുത്തി പ്രാഥമിക ആരോഗ്യ കേന്ദ്രത്തിന് സമ്മാനിച്ചത്.കിടപ്പിലായ രോഗികളെ വീട്ടിൽ പോയി പരിച്ചരി കുന്നതിന് സ്വന്തമായി വാഹനം ഇല്ലാത്തതിനാൽ വാടകക്ക് വാഹനം വിളിക്കുന്നതായിരുന്നു പതിവ്. 250 രോഗികളാണ് ഈഴുവത്തിരുത്തി മേഖലയിൽ പാലിയേറ്റീവിൽ രജിസ്ട്രർ ചെയ്തിടുളളത്.എംപി സ്വന്തമായി വാഹനം അനുവദികുകയും, ജില്ലാ മെഡിക്കൽ ഓഫീസർ ഡ്രൈവറെ നിയമിക്കുകയും ചെയ്തതോടെ കിടപ്പ് രോഗികൾക്ക് ഇനി കൃത്യസമയത്ത് പരിചരണം ലഭിക്കും.2023 – 24 വർഷത്തെ എംപി.യുടെവികസന ഫണ്ടിൽ നിന്നും ഈ വാഹനത്തിന് പുറമെ 6 മിനി ഹൈമാസ് ലൈറ്റുകളും അനുവദിച്ചിരുന്നു. ഇവയും സ്ഥാപിച്ച് കഴിഞ്ഞു. ഉദ്ഘാടന അടുത്ത ദിവസം നടത്താനാണ് തീരുമാനിച്ചിടുള്ളത്