കുടിച്ച ചായയുടെ പണം ചോദിച്ചതിന് തട്ടുകട തകർത്ത പ്രതി പിടിയിൽ

തിരൂർ: ചായ കുടിച്ചശേഷം പണം ചോദിച്ചതിന്റെ വിരോധത്തിൽ വയോധികന്റെ തട്ടുകട അടിച്ചുതകർത്ത കാപ്പാ കേസിലെ പ്രതി റബീഹിനെ (27) തിരൂർ പൊലീസ് അറസ്റ്റ് ചെയ്തു.പറവണ്ണയിൽ 65-കാരൻ നടത്തുന്ന തട്ടുകടയിൽ അതിക്രമിച്ച് കയറി കത്തി കാട്ടി ഭീഷണിപ്പെടുത്തിയ പ്രതി കടയിലെ സാധനങ്ങൾ തകർത്തു. ഏകദേശം ഒരു ലക്ഷം രൂപയുടെ നാശനഷ്ടമുണ്ടായതായി പൊലീസ് അറിയിച്ചു.നിരവധി കേസുകളിലെ പ്രതിയായ റബീഹിനെ തിരൂർ കോടതിയിൽ ഹാജരാക്കി റിമാൻഡ് ചെയ്തു.