ചങ്ങരംകുളത്ത് ഇനിമുതല്‍ സര്‍ക്കിള്‍ ഓഫീസും’ആലംകോട് പഞ്ചായത്തിന്റെ പഴയ ഓഫീസ് സര്‍ക്കിള്‍ ഓഫീസറുടെ കാര്യാലയം ആവും

ചങ്ങരംകുളം:അഭ്യന്തര വകുപ്പിലെ പുതിയ പരിഷ്കാരങ്ങളുടെ ഭാഗമായി ചങ്ങരംകുളം ഇനി മുതല്‍ സര്‍ക്കിള്‍ ഓഫീസിന്റെ പരിതിയിലാവും.ചങ്ങരംകുളം,എടപ്പാള്‍,കുറ്റിപ്പുറം സ്റ്റേഷന്‍ പോലീസ് സ്റ്റേഷനുകളാണ് ഇനി മുതല്‍ ചങ്ങരംകുളം സര്‍ക്കിള്‍ സ്റ്റേഷന്റെ പരിതിയില്‍ വരിക.ഇതോടെ പോലീസ് സ്റ്റേഷന് പുറമെ ചങ്ങരംകുളത്ത് ഇനി സര്‍ക്കിള്‍ ഓഫീസ് കൂടി പ്രവര്‍ത്തിക്കും.പുതിയ സര്‍ക്കിള്‍ ഓഫീസിനായി ചങ്ങരംകുളം ടൗണില്‍ ആലംകോട് പഞ്ചായത്ത് ബസ്റ്റാന്റിന് സമീപത്ത് പ്രവര്‍ത്തിച്ചിരുന്ന ആലംകോട് പഞ്ചായത്തിന്റെ പഴയ ഓഫീസ് പോലീസിന് വിട്ടുകൊടുക്കും.തിരൂര്‍ ഡിവൈഎസ്പി എഎം സിദ്ധിക്ക്,ചങ്ങരംകുളം എസ്ഐ ജിതിന്‍ വാസ് എന്നിവര്‍ പുതുതായി പ്രവര്‍ത്തനം തുടങ്ങാനിരിക്കുന്ന ഓഫീസ് കെട്ടിടം സന്ദര്‍ശിച്ച് സ്ഥിതിഗതികള്‍ വിലയിരുത്തി.അടുത്ത മാസത്തോടെ ചങ്ങരംകുളം ടൗണില്‍ പുതുതായി സര്‍ക്കിള്‍ ഓഫീസ് ആരംഭിക്കുമെന്ന് ഡിവൈഎസ്പി പറഞ്ഞു.