മാറഞ്ചേരിയിൽ കുളത്തിൽ കുളിക്കുന്നതിനിടെ വിദ്യാർഥി മുങ്ങിമരിച്ചു

മാറഞ്ചേരി:കുളത്തിൽ കുളിക്കുന്നതിനിടെ വിദ്യാർഥി മുങ്ങിമരിച്ചു.മാറഞ്ചേരി പൂച്ചത്തെയിൽ താമസിക്കുന്ന അസീസിന്റെ മകൻ സിനാൻ ആണ് മരിച്ചത്.ശനിയാഴ്ച ഉച്ചയ്ക്ക് 2:30 ഓടെയാണ് സംഭവം.മാറഞ്ചേരി ശാസ് ഹോട്ടലിന് പിൻവശത്തുള്ള അരയം കുളത്തിൽ കുളിക്കാനിറങ്ങിയതായിരുന്നു സിനാന്‍.അപകടത്തിൽപ്പെട്ട കുട്ടിയെ ഉടൻ തന്നെ മാറഞ്ചേരി 108 ആംബുലൻസ് പ്രവർത്തകർ പുത്തൻപള്ളി കെ.എം.എം. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ആശുപത്രിയിലെത്തിക്കും മുൻപേ മരണം സംഭവിച്ചിരുന്നു.പൊന്നാനി താലൂക്ക് ആശുപത്രി മോർച്ചറിയില്‍ സൂക്ഷിച്ച മൃതദേഹം നഠപടിക്രമങ്ങള്‍ പൂര്‍ത്തിയാക്കി പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ട് നല്‍കും