ചങ്ങരംകുളം:സഖാവ് കുട്ടന്‍ നായരുടെ സ്മരണക്കായി ചങ്ങരംകുളം സഖാക്കൾ വാട്സ്ആപ്പ് കൂട്ടായ്മ ഏര്‍പ്പെടുത്തിയ എംപി കുട്ടന്‍നായര്‍ സ്മാരക പുരസ്കാര സമര്‍പ്പണവും കുട്ടന്‍ നായര്‍ അനുസ്മരണവും ജൂലൈ 18ന് നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
കവിയും കഥാകൃത്തും പ്രഭാഷകനുമായ ആലംകോട് ലീലാകൃഷ്ണനെയാണ്പുരസ്കാരത്തിന് തിരഞ്ഞെടുത്തത്.പൊന്നാനി താലൂക്കിൽ കമ്മ്യൂണിസ്റ്റ് കർഷക പ്രസ്ഥാനം കെട്ടിപ്പടുക്കുന്നതിൽ അഹോരാത്രം പ്രയത്നിച്ച കുട്ടന്‍ നായരുടെ സ്മരണ നില നിര്‍ത്തുന്നതിനാണ് ഓരോ വര്‍ഷവും വിവിധ മേഖലയില്‍ മികവ് പുലര്‍ത്തുന്നവര്‍ക്ക് പുരസ്കാരം നല്‍കുന്നത്.ജൂലൈ 18ന് ശനിയാഴ്ച വൈകിട്ട് 3 മണിക്ക് മൂക്തീശ്വരി ഹാളിൽ നടക്കുന്ന ചടങ്ങ് സി.പി.ഐ.എം സംസ്ഥാന കമ്മിറ്റി അംഗമായ എം.ബി. രാജേഷ് ഉദ്ഘാടനം ചെയ്യും.സി.പി.ഐ.എം മലപ്പുറം ജില്ലാ സെക്രട്ടറി വി.പി.അബ്ദിൽ, ഡോ. കെ.ടി ജലീൽ,പി. നന്ദകുമാർ എന്നിവർക്കു പുറമെ ജൂറി അംഗങ്ങളായ പ്രൊഫ. എം.എ. നാരായണൻ മാസ്റ്റർ സ: പി. ജ്യോതിദാസ്, ഡോ. വി. മോഹന കൃഷ്ണൻ എന്നിവർ പങ്കെടുക്കും.ടി സത്യന്‍,വി മോഹനകൃഷ്ണന്‍,കരീം കോഴിക്കല്‍,കെകെ സതീശന്‍,പ്രതിജ നന്നംമുക്ക് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു
