ക്ഷേമപെൻഷൻഏ.സി ഒഴിവാക്കണം’നന്നംമുക്ക് പഞ്ചായത്ത് ഭരണസമിതി യോഗം പ്രമേയം പാസാക്കി

ചങ്ങരംകുളം:ക്ഷേമ പെൻഷൻ മാനദണ്ഡത്തിൽ നിന്ന്
ഏ സി ഉണ്ട് എന്ന കാരണത്താൽ ക്ഷേമപെൻഷൻ നിഷേധിക്കുന്നത് ഒഴിവാക്കണമെന്ന് നന്നംമുക്ക് ഗ്രാമ പഞ്ചായത്തിൽ പ്രമേയം.ഗ്രാമ പഞ്ചായത്ത് വൈസ് പ്രസിഡന്റ് നരണിപ്പുഴ മുഹമ്മദലിയാണ് ഭരണസമിതി യോഗത്തിൽ പ്രമേയം അവതരിപ്പിച്ചത്.സാമൂഹ്യ സുരക്ഷാ പെൻഷൻ അനുവദിക്കുന്നതിനുള്ള മാനദണ്ഡങ്ങളിലെ വീടുകൾ കയറിയുള്ള പരിശോധനയിൽ എയർകണ്ടീഷൻ സ്ഥാപിച്ചിട്ടുണ്ട് എന്ന ഏക കാരണത്താൽ തികച്ചും അർഹരായവരുടെ ആനുകൂല്യം നിരസിക്കപ്പെടുന്നുണ്ട്.കാലവസ്ഥാ വ്യതിയാനവും ഉയർന്ന ചൂടും കണക്കിലെടുക്കുമ്പോൾ ഏസി ഒരു ആഡംബര വസ്തുവല്ല.വയോജനങ്ങൾക്കും കിടപ്പുരോഗികൾക്കും ആരോഗ്യകരമായ ആവശ്യമായി ഡോക്ടർമാർ എസി മുറികൾ നിർദ്ദേശിക്കുന്നുണ്ട്.മെഡിക്കൽ ആവശ്യങ്ങൾക്കും,കുട്ടികളുടെ പഠന സൗകര്യത്തിനും തവണ വ്യവസ്ഥയിൽ വാങ്ങുന്ന സ്ഥിതി നിലവിലുണ്ട്,അതിനാൽ ഏസി യുടെ സാന്നിധ്യം സാമ്പത്തിക ഭദ്രതയുടെ അളവ് കോലായി കണക്കാക്കുന്നത് ശരിയല്ല. പദ്ധതിയുടെ അടിസ്ഥാന ലക്ഷ്യത്തിന് എതിരും ആണ് അർഹരായ നിരവധി വയോജനങ്ങൾക്കും വിധവകൾക്കും ഭിന്നശേഷിക്കാർക്കും അർഹമായ ആനുകൂല്യങ്ങൾ നിഷേധിക്കപ്പെടുന്നുണ്ട്, ആയതുകൊണ്ട് പെൻഷൻ മാനദണ്ഡങ്ങളിലെ ഏ.സി ഉപയോഗം എന്നത് ഒഴിവാക്കണമെന്ന് ആവശ്യപ്പെടുന്നത്.ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സജ്ന അനുവാദകയായി.പഞ്ചായത്ത് വൈസ് പ്രസിഡന്റ് നരണിപ്പുഴ മുഹമ്മദലി അവതരിപ്പിച്ച പ്രമേയം പഞ്ചായത്ത് പ്രസിഡന്റ് ശാന്തിനി രവീന്ദ്രനാഥിന് കൈമാറി