ചങ്ങരംകുളം:”അവകാശങ്ങൾ തിരിച്ചറിയാം, ഭാവി സുരക്ഷിതമാക്കാം”എന്ന തലക്കെട്ടിൽ ഭിന്നശേഷി കുട്ടികളുടെ അവകാശ സംരക്ഷണങ്ങളിൽ അവബോധം നൽകുന്നതിനായി അതിഥി ചങ്ങരംകുളം ഒരുക്കുന്ന കരിയർ ഗൈഡൻസ് ക്ലാസ് ജൂലായ് 11ന് വളയംകുളത്ത് വച്ച് നടക്കുമെന്ന് സംഘാടകർ വാർത്താസമ്മേളനത്തിൽ അറിയിച്ചു.
ഭിന്നശേഷിക്കാർക്കുള്ള വിദ്യാഭ്യാസ അവസരങ്ങൾ, ഉപരിപഠനം, തൊഴിൽ പരിശീലനം, തൊഴിൽ സാധ്യതകൾ, സാമ്പത്തിക സഹായങ്ങൾ, മെഡിക്കൽ സർട്ടിഫിക്കറ്റ്, UDID കാർഡ്,അവകാശങ്ങളും ക്ഷേമപദ്ധതികളും, കുടുംബങ്ങൾക്കുള്ള സാമ്പത്തിക സഹായങ്ങൾ, സർക്കാർ സഹായങ്ങൾ എന്നിവയടക്കമുള്ള വിവിധ വിഷയങ്ങളിൽ രക്ഷിതാക്കൾക്ക് അറിവ് നൽകുന്നതിനാണ് പരിപാടി സംഘടിപ്പിക്കുന്നത്.
ജൂലായ് 11ന് ശനിയാഴ്ച ഉച്ചക്ക് 1.30ന് വളയംകുളം റൈസ് ആൻഡ് ഫിഷ് റെസ്റ്റോറന്റ് ഹാളിൽ നടക്കുന്ന പരിപാടിയിൽ വിദഗ്ധർ ക്ലാസെടുക്കും. ഭിന്നശേഷി വിദ്യാർത്ഥികളുടെ സംരക്ഷണത്തിനും ഉന്നമനത്തിനും പ്രാധാന്യം നൽകുന്ന വിവിധ പദ്ധതികൾ വിശദീകരിക്കുന്ന പരിപാടിയിൽ മുഴുവൻ രക്ഷിതാക്കളും പങ്കെടുക്കണമെന്നും സംഘാടകർ അറിയിച്ചു.
രജിസ്ട്രേഷന് 9715261261 എന്ന നമ്പറിൽ ബന്ധപ്പെടണമെന്നും രജിസ്ട്രേഷൻ തികച്ചും സൗജന്യമായിരിക്കുമെന്നും സംഘാടകർ പറഞ്ഞു.
വാർത്താസമ്മേളനത്തിൽ സെൻറർ ഡയറക്ടർ ഡോ. ശില്പ അരിക്കത്ത്, മെഡിക്കൽ ഓഫീസർ ഡോ. രശ്മി സി എസ് എന്നിവർ പങ്കെടുത്തു.
