ചങ്ങരംകുളം :നന്നംമുക്ക് പഞ്ചായത്ത് പരിധിയിൽ രൂക്ഷമായ തെരുവ് നായ ശല്യം പഞ്ചായത്ത് അടിയന്തിര ഇടപെടൽ നടത്തണമെന്ന് മുസ്ലിം ലീഗ് നന്നംമുക്ക് പഞ്ചായത്ത് കമ്മിറ്റി ആവശ്യപ്പെട്ടു .കാൽ നട യാത്രക്കാരും സ്കൂൾ വിദ്യാർത്ഥികളും തെരുവ് നായ ശല്യം മൂലം ഏറെ പ്രയാസ പ്പെടുന്ന സാഹചര്യത്തിലാണ് വീടുകളിൽ പോലും പുറത്തിറങ്ങാൻ പലയിടത്തും കഴിയുന്നില്ല, പേ വിഷ ബാധയുള്ള നായ്ക്കൾ കൂടി ഉള്ളതിനാൽ ഇവയുടെ കടിയേല്ക്കുന്നത് ഗുരുതരമായ സാഹചര്യമാണ് സൃഷ്ടിക്കുന്നത്.
പഞ്ചായത്ത് സെക്രട്ടറിക്ക് വിഷയത്തിൽ അടിയന്തിര ഇടപെടൽ ആവശ്യപ്പെട്ട് ലീഗ് പരാതി നൽകി.പഞ്ചായത്ത് മുസ്ലിം ലീഗ് സെക്രട്ടറി അഷ്റഫ് കാട്ടിൽ,കാദർ മാസ്റ്റർ ,അബ്ദുൽ കാദർ ആലുങ്ങൽ, റാഷിദ് നെച്ചിക്കൽ , കെ കെ ഗഫൂർ ,വീരാവു ചേലക്കടവ് തുടങ്ങിയവർ സംബന്ധിച്ചു.
