എടപ്പാൾ:പുതിയ എടപ്പാൾ പൊലീസ് സ്റ്റേഷനായി നിർദേശിച്ച സ്ഥലം തിരൂർ ഡി.വൈ.എസ്.പി സലീമിന്റെ നേതൃത്വത്തിലുള്ള ഉദ്യോഗസ്ഥ സംഘം സന്ദർശിച്ചു. പൊലീസ് സ്റ്റേഷന്റെ പ്രവർത്തനങ്ങൾക്ക് അനുയോജ്യമായ സ്ഥലം കണ്ടെത്തുന്നതിന്റെയും അനുബന്ധ കാര്യങ്ങളുടെയും ഭാഗമായാണ് പരിശോധന നടത്തിയത്.
ചങ്ങരംകുളം എ എസ്.ഐ. ഹരി, തിരൂർ ഡി.വൈ.എസ്.പി ഓഫീസിലെ എസ്.ഐമാരായ സജീവ്, ഹരീഷ്, മനോജ് കെ.പി. എന്നിവരും സംഘത്തിലുണ്ടായിരുന്നു.പൊതുപ്രവർത്തകരായ ഇ.പി. രാജീവ്, സി. രവീന്ദ്രൻ, കെ.പി. സിന്ധു,ഇ.പി.വേലായുധൻ, കെ.വി. ലൈസ്സ്, കെ.പി. അച്ചുതൻ എന്നിവരും ഉദ്യോഗസ്ഥർക്കൊപ്പമുണ്ടായിരുന്നു.
സ്ഥലത്തിന്റെ അനുയോജ്യത,പൊതുസുരക്ഷ,ഗതാഗത സൗകര്യങ്ങൾ,ജനങ്ങൾക്ക് ലഭ്യമാകുന്ന സൗകര്യങ്ങൾ തുടങ്ങിയ വിഷയങ്ങൾ ഉദ്യോഗസ്ഥർ വിലയിരുത്തി.പൊതുപ്രവർത്തകരും ജനപ്രതിനിധികളും വിവിധ നിർദേശങ്ങൾ ഉദ്യോഗസ്ഥരുടെ ശ്രദ്ധയിൽപ്പെടുത്തി.സ്ഥലപരിശോധനയെ തുടർന്ന് തയ്യാറാക്കിയ റിപ്പോർട്ട് ആഭ്യന്തര വകുപ്പിനും സംസ്ഥാന പൊലീസ് മേധാവിക്കും (ഡി.ജി.പി.)കൈമാറിയതായി ബന്ധപ്പെട്ടവർ അറിയിച്ചു.
