സമസ്തയുടെ പ്രവർത്തനരംഗത്ത് അഞ്ച് പതിറ്റാണ്ടിലേറെയായി സേവനങ്ങൾ കാഴ്ചവെച്ച വളയംകുളം മൂസ മുസ്ലിയാർക്ക് കോക്കൂർ റൈഞ്ച് ജംഇയ്യത്തുൽ മുഅല്ലിമീനും സമസ്തയുടെ പോഷക ഘടകങ്ങളും ചേർന്ന് ആദവ് നല്കും.ജൂൺ 20 ശനിയാഴ്ച വൈകുന്നേരം 3.00 മണിക്ക് വളയംകുളം KVM ഓഡിറ്റോറിയത്തിൽ നടക്കുന്ന ചടങ്ങ് പാണക്കാട് സയ്യിദ് സ്വാദിഖലി ശിഹാബ് തങ്ങൾ ഉദ്ഘാടനം നിർവഹിക്കും.തുടര്ന്ന് മൂസ മുസ്ലിയാര്ക്ക് ആദര സമർപ്പണവും നടത്തും. പള്ളിക്കര മഹല്ല് ജനറൽ സെക്രട്ടറി യും സാമൂഹ്യ മത രാഷ്രീയ രംഗത്ത് നിറ സാന്നിധ്യവുമായിരുന്ന സി എം യൂസുഫിനെ ചടങ്ങില് അനുസ്മരിക്കും
എം. വി. ഇസ്മാഈൽ മുസ്ലിയാർ പ്രാർത്ഥനയ്ക്ക് നേതൃത്വം നൽകും.കോക്കൂർ റൈഞ്ച് ജംഇയ്യത്തുൽ മുഅല്ലിമീൻ പ്രസിഡന്റും സ്വാഗതസംഘം ജനറൽ കൺവീനറുമായ അബ്ദുൽ ഖാദർ ഫൈസി തലക്കശ്ശേരി സ്വാഗതം ആശംസിക്കും.സ്വാഗതസംഘം ചെയർമാൻ പി. വി. മുഹമ്മദ് മൗലവി അധ്യക്ഷത വഹിക്കും.ബഷീർ ഫൈസി ആനക്കര ആമുഖഭാഷണം നടത്തും. ആനമങ്ങാട് മുഹമ്മദ് കുട്ടി ഫൈസി മുഖ്യ പ്രഭാഷണവും റഫീഖ് ഫൈസി തെങ്ങിൽ സിഎം യൂസുഫ് സാഹിബ് അനുസ്മരണ പ്രഭാഷണവും നടത്തും. ചടങ്ങിൽ പൊന്നാനി എം.എൽ.എ കെ. പി. നൗഷാദ് അലി മുഖ്യാതിഥിയായിരിക്കും.
സ്വാഗതസംഘം ട്രഷറർ അഷ്റഫ് കോക്കൂർ പരിചയപ്പെടുത്തൽ നടത്തും.അബ്ദുൽ ഖാദർ ഫൈസി ,എം വി അബ്ദുറഷീദ്,അബ്ദുസ്സലാം മൗലവി,കെ എം സക്കരിയ ബദ് രി,സൈതലവി ദാരിമി കോക്കൂർ,നൗഫൽ ഹുദവി ചങ്ങരംകുളംനൂറുദ്ധീൻ വളയംകുളം തുടങ്ങിയവര് വാര്ത്താസമ്മേളനത്തില് പങ്കെടുത്തു
