സി.എം. യൂസഫിന് വിട നല്‍കാന്‍ ഒരുങ്ങി നാട് ‘മൃതദേഹം വളയംകുളം അസ്സബാഹ് കോളേജില്‍ പൊതുദര്‍ശനം

ചങ്ങരംകുളം:അന്തരിച്ച മുസ്ലിംലീഗ് നേതാവ് സി.എം. യൂസഫിന് വിട നല്‍കാന്‍ ഒരുങ്ങി നാട്.തിരുവനന്തപുരത്ത് നിന്ന് നടപടിക്രമങ്ങള്‍ പൂര്‍ത്തിയാക്കിയ ശേഷം ആംബുലന്‍സില്‍ ചങ്ങരംകുളത്തേക്ക് പുറപ്പെട്ടു.രാത്രി 9 മണിയോടെ വളയംകുളം പള്ളിക്കുന്ന് വീട്ടിലെത്തിക്കുന്ന മൃതദേഹം വളയംകുളം അസ്സബാഹ് കോളേജില്‍ പൊതുദര്‍ശനത്തിന് വെക്കും.രാത്രി 10 മണിയോടെ പള്ളിക്കര ജുമാമസ്ജിദ്ഖബര്‍സ്ഥാനിയില്‍ ഖബറടക്കം നടത്തും.ബുധനാഴ്ചവൈകിയിട്ടാണ് തിരുവനന്തപുരത്തുള്ള വസതിയില്‍ സിഎം യൂസഫ് കുഴഞ്ഞ് വീണ് മരിച്ചത്. പി കെ കുഞ്ഞാലി കുട്ടി,പി.എം.എ.സലാം,കെ എം ഷാജി ,ഉബൈദ് തുടങ്ങി പ്രമുഖ നേതാക്കള്‍ തിരുവനന്തപുരത്ത് എത്തി ആദരാഞ്ജലികള്‍ അര്‍പ്പിച്ചു.പൊന്നാനിയിലെ മുസ്ലിംലീഗ് രാഷ്ട്രീയത്തിന് സിഎം യൂസഫിന്റെ അപ്രതീക്ഷിത വേര്‍പ്പാട് ഉണ്ടാക്കിയത് നികത്താന്‍ കഴിയാത്ത നഷ്ടമാണ്.പൊതുരംഗത്തും,രാഷ്ട്രീയ സാംസ്കാരിക സാമൂഹ്യ മേഖലയിലും സിഎം നിറഞ്ഞ് നിന്ന വ്യക്തിത്വമായിരുന്നു സിഎം യൂസഫ്.