എംപി. കുട്ടൻ നായർ,എപി.പുരുഷോത്തമൻ അനുസ്മരണം നടത്തി

ചങ്ങരംകുളം:സി.പി.ഐ (എം) ആലങ്കോട് ലോക്കൽ കമ്മിറ്റിയുടെ ആഭിമുഖ്യത്തിൽ മുൻ നേതാക്കളായ എം.പി. കുട്ടൻ നായരുടെയും എ.പി. പുരുഷോത്തമന്റെയും അനുസ്മരണ സമ്മേളനം ആലങ്കോട് മാമാണിപ്പടിയിൽ സംഘടിപ്പിച്ചു.സി.പി.ഐ (എം) സംസ്ഥാന കമ്മിറ്റി അംഗം വി.പി. സാനു സമ്മേളനം ഉദ്ഘാടനം ചെയ്തു.എടപ്പാൾ ഏരിയ കമ്മിറ്റി അംഗം പി. വിജയൻ അധ്യക്ഷത വഹിച്ചു.അനുസ്മരണ പ്രഭാഷണത്തിൽ സംസാരിച്ച വി.പി.സാനു, ഇരുവരും പാർട്ടിയുടെയും ജനകീയ പ്രസ്ഥാനങ്ങളുടെയും വളർച്ചയ്ക്കായി നൽകിയ സംഭാവനകൾ സ്മരിച്ചു. തുടർന്ന് ഏരിയ സെക്രട്ടറി ടി. സത്യൻ, ഏരിയ കമ്മിറ്റി അംഗം ഇ. രാജഗോപാൽ, ആലങ്കോട് ലോക്കൽ സെക്രട്ടറി എൻ.വി. ഉണ്ണി, എം.വി.രവീന്ദ്രൻ എന്നിവർ സംസാരിച്ചു.സി.പി. പ്രബീഷ് സ്വാഗതം പറഞ്ഞു.