അന്താരാഷ്ട്ര റിസർച്ച് കോൺഫറൻസിൽ താരമായി ആലങ്കോട് സ്വദേശിനി ദേവ്ന

ചങ്ങരംകുളം:അമേരിക്കയിലെ കാലിഫോർണിയയിലുള്ള മിൻപിറ്റാസിൽ ഗ്ലോബൽ യംഗ് റിസർച്ചേഴ്സ് അക്കാദമിയുടെ (GYRA) കീഴിൽ വെച്ച് സംഘടിപ്പിച്ച അന്താരാഷ്ട്ര റിസർച്ച് കോൺഫറൻസ് ഫോർ ചിൽഡ്രൻ (IRCC) 2026-ൽ ആലങ്കോട് സ്വദേശിനി ദേവ്ന.പി.എം, ഒന്നാം സ്ഥാനം കരസ്ഥമാക്കിയത് നാടിന്ന് അഭിമാനമായി.യുവവിദ്യാർത്ഥികളെ ശാസ്ത്ര ഗവേഷണങ്ങളിൽ ഏർപ്പെടാൻ പ്രാപ്തരാക്കുന്ന ഒരു അന്താരാഷ്ട്ര കൂട്ടായ്മയാണ് GYRA (ഗ്ലോബൽ യംഗ് റിസർച്ചേഴ്സ് അക്കാദമി). കുട്ടികളിൽ ഗവേഷണ അഭിരുചി, ശാസ്ത്രീയ ചിന്താഗതി, നൂതനമായ പ്രശ്നപരിഹാര നൈപുണ്യങ്ങൾ എന്നിവ വളർത്തിയെടുക്കുന്നതിനായി അവർ മാർഗ്ഗനിർദ്ദേശങ്ങളും, അവസരങ്ങളും നൽകുന്നു.ലോകത്തിന്റെ വിവിധ ഭാഗങ്ങളിൽ നിന്നുള്ള ശാസ്ത്രജ്ഞർ, മെന്റർമാർ, അധ്യാപകർ, രക്ഷിതാക്കൾ, യുവ ഗവേഷകർ എന്നിവർക്ക് മുന്നിൽ സ്കൂൾ തലത്തിലുള്ള ഗവേഷകർ തങ്ങളുടെ പ്രബന്ധങ്ങൾ അവതരിപ്പിക്കുന്ന GYRA-യുടെ പ്രധാന ആഗോള വേദികളിലൊന്നാണ് IRCC.

“Plant-Extract-Treated Cloth Wraps as a Natural Method for Preserving Fruits and Vegetables” എന്ന വിഷയത്തിലാണ് ദേവ്ന തന്റെ ഗവേഷണ പ്രബന്ധം അവതരിപ്പിച്ചത്.

വേപ്പ്, മഞ്ഞൾ, തുളസി, കറ്റാർവാഴ എന്നീ ഔഷധ സസ്യങ്ങളുടെ സത്തിൽ സംസ്കരിച്ച തുണികൾ ഉപയോഗിച്ച്, പഴങ്ങളുടെയും പച്ചക്കറികളുടെയും സംഭരണ കാലാവധി (Shelf life) വർദ്ധിപ്പിക്കുവാൻ സാധിക്കുമോ എന്നതായിരുന്നു ഈ പഠനം പരിശോധിച്ചത്.

ഔഷധ സസ്യങ്ങളുടെ സത്തിൽ സംസ്കരിച്ച തുണികൾ ഉപയോഗിച്ച് പച്ചക്കറികളുടെയും പഴങ്ങളുടെയും സംഭരണ കാലാവധി വർദ്ധിപ്പിക്കുവാൻ സാധിക്കും എന്ന് ഈ പഠനത്തിൽ കണ്ടെത്തി. അതിൽ തന്നെ, വേപ്പിന്റെ സത്തിൽ സംസ്കരിച്ച തുണിയാണ് ഏറ്റവും മികച്ച ഫലം കാണിച്ചത്.ഈ പദ്ധതിയുടെ ഭാഗമായി “EcoWrap” എന്ന പേരിൽ ഒരു പ്രായോഗിക മാതൃകയും (prototype) തയ്യാറാക്കിയിരുന്നു.

മലപ്പുറം ജില്ലയിൽ ആലങ്കോട് പുക്കുഴി ഇല്ലത്ത് ഡോക്ടർ ഹരിയുടെയും ഡോക്ടർ രാഗിതയുടെയും മകളാണ്, കക്കിടിപ്പുറം കെ.വി.യു.പി സ്ക്കൂളിൽ ഏഴാം ക്ലാസിൽ പഠിക്കുന്ന ഈ കൊച്ചു മിടുക്കി.ഇന്ത്യയിലെ വിദ്യാർത്ഥികൾക്ക് ഓൺലൈനായാണ് പ്രസന്റേഷൻ കോ പിറ്റേഷൻ നടന്നത്