തദ്ദേശ വാർഡ് വിഭജനം നടത്തിയത് സിപിഎം നേതൃത്വത്തിന്റെ ഇഷ്ടത്തിനനുസരിച്ചെന്ന് ബിജെപി

ചങ്ങരംകുളം:നന്നംമുക്ക് ഗ്രാമ പഞ്ചായത്തിലെ വാർഡ് വിഭജനം സിപിഎം പരാജയം സമ്മതിച്ചതിന് തെളിവാണെന്ന് ബിജെപി നന്നുംമുക്ക് പഞ്ചായത്ത് കമ്മിറ്റി ആരോപിച്ചു. വാർഡ് വിഭജനം സിപിഎം നേത്യത്വം ആവശ്യപ്പെട്ട പ്രകാരമാണ് ചെയ്തിട്ടുള്ളത്.സിപിഎം ന്റെ സിറ്റിങ്ങ് വാർഡുകളിൽ പേരിന് മാത്രമാണ് വിഭജനം നടത്തിയിട്ടുള്ളത്.നെറികെട്ട രാഷ്ട്രീയം കളിക്കാതെ പിടിച്ചു നിൽക്കാനാവില്ല എന്ന തിരിച്ചറിവാണ് ഇതു പോലെ യാതൊരു മാനദണ്ഡവും പാലിക്കാതെ വാർഡ് വിഭജനം നടത്തിയതിന് പിന്നിലെന്ന് ബിജെപി ആരോപിച്ചു.രാഷ്ട്രീയമായി നേരിടാൻ കഴിയാതെ കഴിഞ്ഞ 9 വർഷമായി ബിജെപി ഭരിക്കുന്ന പതിമൂന്നാം വാർഡ് സിപിഎം ന്റെ നേതൃത്വവും ഉദ്യോഗസ്ഥരും ചേർന്ന് വികസനം അട്ടിമറിക്കാൻ ശ്രമിക്കുകയാണെന്നും നേതാക്കള്‍ ആരോപിച്ചു.ബിജെപി പഞ്ചായത്ത് ജനറല്‍ സെക്രട്ടറി രഞ്ജിത്ത് മൂക്കുതല അധ്യക്ഷത വഹിച്ചു. മണ്ഡലം ജനറല്‍ സെക്രട്ടറി ജനാർദ്ദനൻ പട്ടേരി യോഗം ഉദ്ഘാടനം ചെയ്തു.മണി പാറക്കൽ,പ്രമോദ് കൊളഞ്ചേരി,മണികണ്ഠൻ കൊളഞ്ചേരി, വിനീഷ് പട്ടേരി, സതീഷ് കുറുമ്പുർ എന്നിവർ സംസാരിച്ചു.