സിൽസില മെഹ്ഫിൽ സദസ്സിൽ ഗായകനായും ആസ്വാദകനുമായി നൗഷാദലി എംഎൽ എ

മാറഞ്ചേരി: എല്ലാ ഔദ്യോഗിക തിരക്കുകൾ ഒഴിവാക്കി പാട്ട് പാടിയും സംഗീത വിരുന്ന് ആസ്വദിച്ചും പൊന്നാനി എം.എൽ.എ കെ.പി നൗഷാദലി.പ്രമുഖ സംഗീത കലാകാരൻ ബഷീർ സിൽസിലയുടെ നേതൃത്വത്തിൽ സംഘടിപ്പിച്ച സിൽസില മെഹ്ഫിൽ സദസ്സിലാണ് നൗഷാദലി എത്തിയത്.സംഗീതത്തോടുള്ള തൻ്റെ അഭിനിവേഷവും താത്പര്യവും പ്രകടിപ്പിച്ച അദ്ദേഹത്തിൻ്റെ ഉദ്ഘാടന പ്രസംഗം ഏറെ ഹൃദ്യമായി.ഗാനം ആലപിച്ചും അദ്ദേഹം മെഹ്ഫിലിൻ്റെ ഭാഗമായി. സംഗീത വിരുന്നിന് മനോജും ഷെയഖയും നേതൃത്വം നൽകി.സിനിമാ സംവിധായകൻ ഷാജി അസീസ്, അഡ്വ. ആശ ഉണ്ണിത്താൻ, ബഷീർ ചിറക്കൽ,എ.അബ്ദുൾ ലത്തീഫ് , ഏ.ടി .അലി, കദീജ മൂത്തേടത്ത്, റഹ്‌മാൻ പോക്കർ, കാട്ടിൽ മുഹമ്മദ് കുട്ടി,കേരളീയൻ, ഏ. പി. വാസു, സക്കീർ കാളിയത്തേൽ എന്നിവർ സംബന്ധിച്ചു. കരിം സരിഗ മെമ്മോറിയൽ ക്ലബ്ബാണ് ഓർക്കസ്ട്രക്ക് നേതൃത്വം നൽകിയത്.ബഷീർ സിൽസില അതിഥികളെ സ്വാഗതം ചെയ്തു.മജീദ് ഇല്ലത്തേൽ നന്ദിയും പറഞ്ഞു.