വിസ്‌ഡം സ്റ്റുഡന്റസ് തുടർ മത വിദ്യാഭ്യാസ പദ്ധതിയുടെ ജില്ലാ തല ഉദ്ഘാടനം സംഘടിപ്പിച്ചു

ചങ്ങരംകുളം: ഡിഗ്രി, ഹയർസെക്കൻഡറി ഹൈസ്കൂൾ തല വിദ്യാർത്ഥി- വിദ്യാർത്ഥിനികൾക്കായി വിസ്‌ഡം സ്റ്റുഡൻസ് സംഘടിപ്പിക്കുന്ന വ്യവസ്ഥാപിത തുടർ മതപഠന സംരംഭമായ സി.ആർ.ഇ യുടെ മലപ്പുറം സൗത്ത് ജില്ലാതല ഉദ്ഘാടനം ചങ്ങരംകുളം തഖ്‌വ സലഫി സെൻ്ററിൽ നടന്നു.വിസ്‌ഡം ഇസ്ലാമിക് ഓർഗനൈസേഷൻ മലപ്പുറം സൗത്ത് ജില്ലാ പ്രസിഡന്റ് അബ്ദുൽ ലത്തീഫ് സുല്ലമി മാറഞ്ചേരി പരിപാടി ഉദ്ഘാടനം ചെയ്തു.വിസ്ഡം സ്റ്റുഡൻസ് ജില്ലാ പ്രസിഡന്റ് ഹൻദല ബിൻ സിദ്ധീഖ് അൽ ഹികമി അധ്യക്ഷത വഹിച്ചു.സ്വലാഹുദ്ധീൻ അയ്യൂബി അൽ ഹികമി പഠന ക്ലാസിന് നേതൃത്വം നൽകി.ജില്ലയിലെ വിവിധ മണ്ഡലങ്ങളിലെ തെരഞ്ഞെടുത്ത സെന്ററുകളിൽ എല്ലാ ഞായറാഴ്ചകളിലും സി.ആർ.ഇ ക്ലാസ് സംഘടിപ്പിക്കും. ധാർമിക ബോധമുള്ള പുതുതലമുറയെ വാർത്തെടുക്കുക എന്ന ലക്ഷ്യത്തിൽ സംഘടിപ്പിക്കുന്ന പഠനസംരംഭത്തിന് പരിശീലനം ലഭിച്ച മികച്ച അധ്യാപകർ നേതൃത്വം നൽകും.വിസ്‌ഡം സ്റ്റുഡന്റസ് ജില്ലാ സെക്രട്ടറി ഇ ഫാരിസ്, വിസ്‌ഡം ഓർഗനൈസേഷൻ മലപ്പുറം സൗത്ത് ജില്ലാ സെക്രട്ടറി അബ്ദുസമദ് പുറങ്ങ്, വിസ്‌ഡം സ്റ്റുഡന്റസ് മലപ്പുറം സൗത്ത് ജില്ലാ ജോയിന്റ് സെക്രട്ടറി ഇഹ്‌സാൻ അമീൻ, എ. സാഹിൽ റോഷൻ എന്നിവർ സംസാരിച്ചു.