ലോക പരിസ്ഥിതി ദിനത്തിനോട് അനുബന്ധിച്ച് വൃക്ഷത്തൈ നടീലും ഹരിത ഗ്രാമസഭയും നടത്തി നന്നംമുക്ക് ഗ്രാമപഞ്ചായത്ത്

ചങ്ങരംകുളം:ലോക പരിസ്ഥിതി ദിനത്തിൽ മൂക്കുതല ജിഎംഎല്‍പി സ്കൂളിൽ വൃക്ഷത്തൈ നടീലും ശുചിത്വവും ഹരിതാഭവുമായ ഗ്രാമങ്ങൾ എന്ന തീമിൽ സ്പെഷ്യൽ ഗ്രാമസഭയും നടത്തി.പഞ്ചായത്ത് മീറ്റിംഗ് ഹാളിൽ നന്നംമുക്ക് പഞ്ചായത്ത് പ്രസിഡണ്ട് ശാന്തിനി രവീന്ദ്രനാഥ് പരിപാടിയുടെ ഉദ്ഘാടനം നിർവഹിച്ചു.വൈസ് പ്രസിഡണ്ട് മുഹമ്മദലി നരണിപ്പുഴ അധ്യക്ഷത വഹിച്ചു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ മുസ്തഫ,വികസന സ്റ്റാൻഡിങ് കമ്മിറ്റി ചെയർപേഴ്സൺ തസ്നി,ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സജന,സ്കൂൾ എച്ച് എം ഗീത വാർഡ് മെമ്പർ അജയ് ഘോഷ്,കൃഷി ഓഫീസർ കീർത്തി,പഞ്ചായത്ത് സെക്രട്ടറി വിശാഖ്,അസിസ്റ്റന്റ് സെക്രട്ടറി മനോജ് ,വിഇഒ രജീഷ് ,അസിസ്റ്റന്റ് എൻജിനീയർ അജയ് എന്നിവർ സംസാരിച്ചു.പഞ്ചായത്ത് മെമ്പർമാർ,പഞ്ചായത്ത് ഉദ്യോഗസ്ഥർ കൃഷി ഓഫീസർമാർ,ആശാവർക്കർമാർ,കുടുംബശ്രീ അംഗങ്ങൾ,ഹരിത കർമ്മ സേനാംഗങ്ങൾ,തൊഴിലുറപ്പ് തൊഴിലാളികൾ,സാമൂഹ്യ പ്രവർത്തകർ ക്ലബ്ബ് ഭാരവാഹികൾ എന്നിവർ ഹരിത ഗ്രാമ പ്രവർത്തനങ്ങളുടെ ചർച്ചകൾക്ക് നേതൃത്വം നൽകി.ഹരിത കർമ്മ സേന കോഡിനേറ്റർ അശീജ വലിച്ചെറിയരുത് പ്ലാസ്റ്റിക് എന്ന വിഷയവുമായി ക്ലാസ് എടുത്തു.ക്ഷേമ കാര്യാ സ്റ്റാൻഡിങ് കമ്മിറ്റി ചെയർപേഴ്സൺ സജന രാജീവ് നന്ദി പറഞ്ഞു