ചമ്മന്നൂർ അമൽ ഇംഗ്ലീഷ് സ്കൂളിൽ വിപുലമായ പരിപാടികളോടെ പരിസ്ഥിതി ദിനാചരണം സംഘടിപ്പിച്ചു

ചമ്മന്നൂർ: ലോക പരിസ്ഥിതി ദിനത്തോടനുബന്ധിച്ച് ചമ്മന്നൂർ അമൽ ഇംഗ്ലീഷ് സ്കൂളിൽ വിപുലമായ പരിപാടികളോടെ പരിസ്ഥിതി ദിനാചരണം സംഘടിപ്പിച്ചു.ചടങ്ങിൽ അമൽ സ്കൂൾ ചെയർമാൻ അലി പഷ്ണത്തയിൽ മുഖ്യതിഥിയായി പങ്കെടുത്ത് പരിപാടികളുടെ ഔദ്യോഗിക ഉദ്ഘാടനം നിർവ്വഹിച്ചു. തുടർന്ന് വിദ്യാർത്ഥികൾക്കും അധ്യാപകർക്കുമായി പ്രിൻസിപ്പൽ ഗഫൂർ നാലകത്ത് പരിസ്ഥിതി ദിന പ്രതിജ്ഞ ചൊല്ലിക്കൊടുത്തു.സ്കൂൾ ഓഡിറ്റോറിയത്തിൽ നടന്ന ചടങ്ങിൽ സിമി ടീച്ചർ സ്വാഗതപ്രസംഗം നടത്തി.അഡ്മിനിസ്ട്രേറ്റർ ഡോ. ഹരിദയാൽ, അമൽ മാനേജ്‌മെന്റ് വൈസ് ചെയർമാൻ ഹനീഫ് കെ.വി,ജനറൽ സെക്രട്ടറി ഹുസൈൻ ചെറുവത്തൂർ എന്നിവർ ചടങ്ങിൽ സംബന്ധിക്കുകയും പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് സംസാരിക്കുകയും ചെയ്തു.പരിപാടികൾക്ക് ബെറ്റി ടീച്ചർ നന്ദി പ്രകാശിപ്പിച്ചു.പരിസ്ഥിതി ദിനാചരണത്തിന്റെ ഭാഗമായി സ്കൂൾ ക്യാമ്പസിൽ പ്രതീകാത്മകമായി തൈകൾ വെച്ചുപിടിപ്പിച്ചു.