ചങ്ങരംകുളം:പന്താവൂർ നളന്ദ കലാകേന്ദ്രം ആൻഡ് ഗ്രന്ഥശാല ലോക പരിസ്ഥിതി ദിനാചരണം നടത്തി.ലൈബ്രറി കൗൺസിലിന്റെ നേതൃത്വത്തില്‍ നടന്ന പരിപാടി ആലങ്കോട് ഗ്രാമപഞ്ചായത്ത് അംഗം കെ.വി.അബൂബക്കർ സിദ്ദീഖ് ഉദ്ഘാടനം ചെയ്തു. വായനശാല പ്രസിഡൻ്റ് എ.പി.ശ്രീനിവാസൻ അധ്യക്ഷത വഹിച്ചു.
പൊന്നാനി താലൂക്ക് ലൈബ്രറി കൗൺസിൽ സെക്രട്ടറി പി.വി. പ്രകാശ് , എ. കെ. സന്തോഷ് , നന്ദകുമാർ വാക്കേത്ത് , കണ്ണൻ പന്താവൂർ എന്നിവർ പ്രസംഗിച്ചു .വായനശാല സെക്രട്ടറി കെ.പി.അനൂപ് സ്വാഗതവും എം. സന്തോഷ് നന്ദിയും പറഞ്ഞു.പരിസ്ഥിതി ദിനാചരണത്തിൻ്റെ ഭാഗമായി പരിസര ശുചീകരണം ,വീട്ടിലേക്കൊരു അക്ഷരമരം , വൃക്ഷ തൈ നടൽ എന്നിവയും നടന്നു.
