ആലംകോട് ഫാമിലി ഹെൽത്ത് സെന്ററിന് പുതിയ കെട്ടിടം അനുവദിക്കണം :എംഎൽഎ ക്ക് നിവേദനം

ചങ്ങരംകുളം:അരനൂറ്റാണ്ടിലേറെ പ്രവർത്തന പാരമ്പര്യമുള്ള ദിനംപ്രതി സമീപ പഞ്ചായത്തുകളിൽ നിന്നുപോലും നൂറുകണക്കിന് രോഗികൾ ആശ്രയിക്കുന്ന ആലംകോട് ഫാമിലി ഹെൽത്ത് സെന്ററിന് പുതിയ കെട്ടിടങ്ങൾ നിർമിക്കാൻ ഫണ്ട് അനുവദിക്കണമെന്നും, പ്ലാസ്റ്റിക്ക് മാലിന്യങ്ങൾ ലവലേശം പോലുമില്ലാത്ത കുത്തക ഭീമന്മാരായ കമ്പനികളുടെ കടന്നുവരവോടെ പ്രതിസന്ധിയിലായ ചെറുകിട വ്യാപാരസ്ഥാപനങ്ങളിൽ നിന്നും അമിതമായി ഈടാക്കുന്ന ഹരിതകർമ്മസേന ഫീസ് നിരക്ക് കുത്തനെ കുറക്കാൻ സർക്കാർ തലത്തിൽ അടിയന്തിര ഇടപെടൽ നടത്തണമെന്നും,അശാസ്ത്രീയമായ ചങ്ങരംകുളം ടൗൺ നവീകരണ പ്രവർത്തനങ്ങളുടെ ഭാഗമായി പ്രയാസമനുഭവിക്കുന്ന ഓട്ടോ,ഓട്ടോ ടാക്സി,ട്രാവലർ,ആംബുലൻസ് തുടങ്ങിയ വാഹനങ്ങളിലെ ഡ്രൈവർമാർ നേരിടുന്ന പ്രതിസന്ധിക്കും പരിഹാരം കാണണമെന്നാവശ്യപ്പെട്ട് പൊന്നാനി നിയമസഭാ സാമാജികൻ കെ പി നൗഷാദലിക്ക് ആലംകോട് ഗ്രാമപഞ്ചായത്ത് പതിനേഴാം വാർഡ് മെമ്പർ വിപിൻ കെ വി നിവേദനം നൽകി.ഗ്രാമപഞ്ചായത്ത് ആസൂത്രണ സമിതി അംഗം ഷാനവാസ് വട്ടത്തൂർ കെ എം ഹാരിസ് തുടങ്ങിയവർ സംബന്ധിച്ചു.