തകര്‍ന്ന ആലംകോട് അവറാന്‍പടി കക്കിടിപ്പുറം റോഡ് ഗതാഗത യോഗ്യമാക്കി ആലംകോട് പഞ്ചായത്ത്

ചങ്ങരംകുളം:തകര്‍ന്ന ആലംകോട് അവറാന്‍പടി കക്കിടിപ്പുറം റോഡ് ഗതാഗത യോഗ്യമാക്കി ആലംകോട് പഞ്ചായത്ത്.അവറാന്‍പടിയില്‍ നിന്ന് ആലിന്‍ചോട് വഴി കക്കിടിപ്പുറം എറവക്കാട് ഭാഗത്തേക്ക് പോയിരുന്ന കോണ്‍ഗ്രീറ്റ് റോഡാണ് നിര്‍മാണത്തിലെ അശാസ്ത്രീയത മൂലം തകര്‍ന്നത്.നിരവധി കുടുംബങ്ങള്‍ താമസിക്കുന്ന പ്രദേശത്തെ റോഡിന്റെ തകര്‍ച്ച പ്രദേശവാസികളെ ദുരിതത്തിലാക്കിയിരുന്നു.ഇത് സംബംന്ധിച്ച് സിഎന്‍ ടിവി വാര്‍ത്തയും നല്‍കിയിരുന്നു.സംഭവം ശ്രദ്ധയില്‍ പെട്ടതോടെ ഗ്രാമപഞ്ചായത്ത് അടിയന്തിരമായി പ്രശ്നത്തിന് പരിഹാരം കാണുകയായിരുന്നു.പ്രസിഡണ്ട് ആസിയ ഇബ്രാഹീം,വൈസ് പ്രസിഡണ്ട് സുബൈര്‍ ഉദിനുപറമ്പ്,മെമ്പര്‍ പി വിജയന്‍ എന്നിവരുടെ നേതൃത്വത്തിലാണ് അടിയന്തിരമായി റോഡ് ഗതാഗത യോഗ്യമാക്കിയത്