ചങ്ങരംകുളം : ഹയർ സെക്കൻഡറി പ്ലസ് ടു പരീക്ഷയിൽ മുഴുവൻ വിഷയങ്ങളിലും എ പ്ലസ് നേടി ആദിത്യൻ ടി.എസ് മികച്ച വിജയം കൈവരിച്ചു. ചാലിശ്ശേരി ഗവൺമെന്റ് ഹയർ സെക്കൻഡറി സ്കൂളിലെ വിദ്യാർത്ഥിയായ ആദിത്യൻ എല്ലാ വിഷയങ്ങളിലും ഉയർന്ന മാർക്ക് നേടിയാണ് ശ്രദ്ധേയനായത്.
ഇംഗ്ലീഷ്, മലയാളം, ഫിസിക്സ്, കെമിസ്ട്രി, കമ്പ്യൂട്ടർ സയൻസ്, ഗണിതം എന്നീ വിഷയങ്ങളിലായി മികച്ച പ്രകടനമാണ് ആദിത്യൻ കാഴ്ചവെച്ചത്. ഫിസിക്സിൽ 198 മാർക്കും ഗണിതത്തിൽ 196 മാർക്കും നേടിയപ്പോൾ മറ്റ് വിഷയങ്ങളിൽ മുഴുവൻ 200 മാർക്ക് വീതവും നേടി.സാമൂഹ്യ പ്രവർത്തകനും ചുമട്ടുതൊഴിലാളിയുമായ കെ.ബി. ശിവദാസിന്റെയും ലത ദമ്പതികളുടെയും മകനായ ആദിത്യന്റെ വിജയം നാട്ടുകാർക്കും സ്കൂളിനും അഭിമാനമായി.
