പഠനം പൂർത്തിയാക്കിയ കുട്ടികള്‍ക്ക്മാതൃകാപരമായ യാത്രയയപ്പ് നൽകി തലമുണ്ടയിലെ അംഗണവാടി

എടപ്പാൾ: തലമുണ്ട അങ്കണവാടിയിൽ നിന്നും പഠനം പൂർത്തിയാക്കിയ കുട്ടികൾക്ക് നൽകിയ യാത്രയയപ്പ് വേറിട്ടതായി. ഇവിടെ ല്‍നിന്നും പഠനം പൂർത്തിയാക്കി സ്കൂളുകളിലേക്ക് പോകുന്ന കുട്ടികൾക്ക് കോൺവൊക്കേഷൻ കോട്ട് ധരിപ്പിച്ചും സ്നേഹസമ്മാനങ്ങൾ നൽകിയുമാണ് മാതൃകാപരമായ യാത്രയയപ്പ് നൽകിയത്.കോട്ടുകൾ ധരിച്ച് സമ്മാനങ്ങൾ വാങ്ങാൻ കുട്ടികളെത്തിയപ്പോൾ അത് രക്ഷിതാക്കൾക്കും പുതിയൊരു അനുഭവമായി മാറി.തലമുണ്ട സി. എച്ച്. കൾച്ചറൽ സെന്ററാണ് മുഴുവൻ കുട്ടികൾക്കും സ്നേഹസമ്മാനങ്ങളും അങ്കണവാടിയിലേക്ക് ഫ്രിഡ്ജും നൽകിയത്.സി. എച്ച്. കൾച്ചറൽ സെന്ററിന്റെ നേതൃത്വത്തിൽ അങ്കണവാടി ടീച്ചർ മിനി, ഹെൽപ്പർ ശൈലജ എന്നിവരെ ചടങ്ങിൽ അഡ്വ. എ. എം. രോഹിത് പൊന്നാട അണിയിച്ച് ആദരിച്ചു.വാർഡ് മെമ്പർ മിനി ടി. വി. അധ്യക്ഷത വഹിച്ചു.വി. കെ. എ. മജീദ്, രമണി ടീച്ചർ, അഫ്സൽ ടി.തസ്തകീർ,ശ്രീധരൻ, ഷാഹിന കെ,ഷിയാസ്, നിബിന,മൈമൂന, സീമ എന്നിവർ സംസാരിച്ചു.