പൊന്നാനി:നരേന്ദ്രമോദി സർക്കാർ രണ്ടാഴ്ച്ചക്കിടെ നാലാമതും പെട്രോളിനും,ഡീസലിനും വില വർദ്ധിപ്പിച്ചതിൽ പ്രതിഷേധിച്ച് പൊന്നാനി മണ്ഡലം കോൺഗ്രസ് കമ്മിറ്റി വണ്ടിപ്പേട്ടയിലും,ചന്തപ്പടിയിലുമുള്ള പെട്രോൾ പമ്പുകൾക്ക് മുൻപിൽ പ്രതിഷേധ സമരം നടത്തി.മുൻ എം.പി. സി ഹരിദാസ് പ്രതിഷേധ സമരം ഉദ്ഘാടനം ചെയ്തു.മണ്ഡലം കോൺഗ്രസ് പ്രസിഡണ്ട് കെ. ജയപ്രകാശ് അദ്ധ്യക്ഷത വഹിച്ചു.ഡി.സി.സി ജനറൽ സെക്രട്ടറി ടി.കെ. അഷറഫ്, സുരേഷ് പുന്നക്കൽ, എം. അബ്ദുൾ ലത്തീഫ് , എം. രാമനാഥൻ, കെ. മുരളീധരൻ, യു. മുഹമ്മത് കുട്ടി, കെ. സോമൻ , പി . ഹസ്സൻ കോയ മാസ്റ്റർ , പി. റഫീക്ക്,യശോദ ,അബൂബക്കർ മുസ്സ എന്നിവർ പ്രസംഗിച്ചു.
ക്രൂഡ് ഓയിലിന് വില കുറഞ്ഞിട്ടും ഡിസലിന് 68 ശതമാനവും, പെട്രോളിന് 43 ശതമാനവും വർദ്ധിപ്പിച്ചത് ജനങ്ങളോടുള്ള വെല്ല് വിളിയാണെന്ന് സമരം ഉദ്ഘാടനം ചെയ്ത് സി. ഹരിദാസ് കുറ്റപ്പെടുത്തി.ഇന്ധന വിലവർദ്ധനവ് മൂലം ജനങ്ങൾ നിത്യോപയോഗ സാധനങ്ങൾ ഉൾപ്പെടെയുള്ള വിലക്കയറ്റം കൊണ്ട് ജീവിതം തകർച്ചയിലെക്ക് തള്ളിവിടുന്ന നയമാണ് മോദി സർക്കാർ നൽകിയതെന്ന് നഗരസഭ പ്രതിപക്ഷ നേതാവ് ടി.കെ. അഷറഫ് ആരോപിച്ചു.
