കടവല്ലൂർ ; കടവല്ലൂരിൽ ഗൃഹനാഥനെ മരിച്ച നിലയിൽ കണ്ടെത്തി.കടവല്ലൂർ കല്ലുംപുറം ഇ.എം.എസ് റോഡിൽ താമസിക്കുന്ന 55 വയസുളള ശ്രീനിവാസൻനെയാണ് മരിച്ച നിലയിൽ കണ്ടെത്തിയത് . തിങ്കളാഴ്ച വൈകിട്ട് നാലുമണിയോടെയാണ് വീടിന് സമീപമുള്ള സ്വകാര്യ വ്യക്തിയുടെ പറമ്പിന് സമീപം ശ്രീനിവാസനെ അവശനിലയിൽ കണ്ടെത്തിയത്. നാട്ടുകാർ ഉടൻ തന്നെ പെരുമ്പിലാവ് അൻസാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മരംവെട്ട് തൊഴിലാളിയായിരുന്ന ശ്രീനിവാസന്റെ മൃതദേഹം പോസ്റ്റ്മോർട്ടം നടപടികൾക്കായി കുന്നംകുളം താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷമേ മാത്രമേ മരണകാരണം വ്യക്തമാകൂ എന്ന് പോലീസ് അറിയിച്ചു.സംഭവത്തിൽ കുന്നംകുളം പോലീസ് തുടർനടപടികൾ സ്വീകരിച്ചു.
