കനത്ത മഴ ‘തൃശ്ശൂര്‍ കുറ്റിപ്പുറം സംസ്ഥാന പാതയില്‍ ചങ്ങരംകുളത്ത് കൂറ്റന്‍മരം കടപുഴകി വീണു’അപകടം ഒഴിവായത് തലനാരിഴക്ക്

ചങ്ങരംകുളം:കനത്ത മഴയെ തുടര്‍ന്ന് സംസ്ഥാന പാതയില്‍ ചങ്ങരംകുളത്ത് കൂറ്റന്‍മരം കടപുഴകി വീണ് വലിയ അപകടം ഒഴിവായി.കുറ്റിപ്പുറം തൃശ്ശൂര്‍ സംസ്ഥാന പാതയില്‍ ചങ്ങരംകുളം ചിയ്യാനൂര്‍ പാടത്താണ് കൂറ്റന്‍ മരം കടപുഴകി റോഡില്‍ വീണത്.ഞായറാഴ്ച രാത്രി പത്തരയോടെയാണ് സംഭവം.തിരക്കേറിയ പാതയില്‍ നിരവധി വാഹനങ്ങള്‍ പോയിക്കൊണ്ടിരിക്കെയാണ് അപകടം.മരച്ചിലകള്‍ തട്ടി ഒരു കാറിന് ചെറിയ പരിക്കുകള്‍ പറ്റിയെങ്കിലും മറ്റു വാഹന യാത്രക്കാര്‍ തലനാരിഴക്കാണ് അപകടത്തില്‍ പെടാതെ രക്ഷപ്പെട്ടത്.സമീപത്ത് റസ്റ്റോറന്റില്‍ ഉണ്ടായിരുന്ന യുവാക്കള്‍ ഓടിയെത്തിയാണ് മരച്ചില്ലകള്‍ വെട്ടിമാറ്റി ഗതാഗതം നിയന്ത്രിച്ചത്.അപകടത്തെ തുടര്‍ന്ന് ഏറെ നേരം സംസ്ഥാന ഗതാഗതം മുടങ്ങി. സ്ഥലത്ത് എത്തിയ ചങ്ങരംകുളം പോലീസും യുവാക്കളും ചേര്‍ന്ന് ഒരു സൈഡിലൂടെ വാഹനങ്ങള്‍ കടത്തി വിട്ട് ഗതാഗത തടസ്സം ഒഴിവാക്കി.പ്രദേശത്ത് കനത്ത മഴ ഇപ്പോഴും തുടരുന്നുണ്ട്.ആലംകോട് സ്വദേശികളായ തന്‍വീര്‍,സുല്‍ത്താന്‍,സിയാദ്,റാഷി,സിനാന്‍,അസ് ലം പിടി,അസ് ലം എംവി,ജിലു തുടങ്ങിയ യുവാക്കളുടെ നേതൃത്വത്തിലാണ് കനത്ത മഴയെ അവഗണിച്ച് മരച്ചില്ലകള്‍ വെട്ടിമാറ്റി ഗതാഗതം നിയന്ത്രിച്ചത്