വായനക്കൂട്ടം ചാലിശ്ശേരി പുതിയ സംഘടനക്ക് രൂപം നൽകി.

ചാലിശ്ശേരി പഞ്ചായത്തിലെ വായനശാലകളുടെ പരസ്പര സഹകരണവും കൂട്ടായ പ്രവർത്തനവും ഏകോപിപ്പിക്കുന്നതിനുവേണ്ടി വായനക്കൂട്ടം ചാലിശ്ശേരി എന്ന പേരിൽ ഒരു സംഘടനക്ക് ഗ്രന്ഥശാലാ പ്രവർത്തകർ രൂപം നൽകി.രക്ഷാധികാരികളായി തൃത്താലയുടെ മുൻ എം എൽ എ ടി.പി കുഞ്ഞുണ്ണി , .കെ.ശശിധരൻ, ഡോ. ഇ.എൻ.ഉണ്ണികൃഷ്ണൻ എന്നിവരെ തിരഞ്ഞെടുത്തു.കെ.കെ. പ്രഭാകരൻ ചെയർമാൻ , ഇ.കെ. മണികണ്ഠൻ കൺവീനർ , സി.കെ. സന്ദീപ് (ട്രഷറർ) എന്നിവരടങ്ങുന്ന 11 അംഗ എക്സിക്യൂട്ടീവ് സമിതിയെയും തിരഞ്ഞെടുത്തു.സംസ്ഥാന ലൈബ്രറി കൗൺസിലിൽ അഫിലിയേറ്റ് ചെയ്യപ്പെട്ട ചാലിശ്ശേരിയിലെ 7 വായനശാലകളിലെ എല്ലാ അംഗങ്ങളും വായനാക്കൂട്ടം ചാലിശ്ശേരിയിലെ അംഗങ്ങളായിരിക്കും.ചാലിശ്ശേരി പഞ്ചായത്ത് വിദ്യഭ്യാസ സ്റ്റാൻ്റിങ്ങ് കമ്മിറ്റി ചെയർപേഴ്സൺ ആനി വിനു,എഴുത്തുകാരി ശ്രീകല വാസുകി, വനിതാ ലൈബ്രേറിയൻ സുനിത എന്നിവർ ചേർന്ന് വായനാക്കൂട്ടം ചാലിശ്ശേരിയുടെ ലോഗോ പ്രകാശനം ചെയ്തു.2025 ജനുവരി 12 ന് ഔപചാരിക വിദ്യഭ്യാസത്തിൽ വായനശാലകളുടെ പങ്ക് എന്ന വിഷയത്തിൽ സെമിനാർ നടത്തുമെന്ന് ഭാരവാഹികൾ അറിയിച്ചു.