ചങ്ങരംകുളത്ത് വിറകിനുള്ളിൽ നിന്ന് ഉഗ്രവിശമുള്ള മൂർഖൻ പാമ്പിനെ പിടികൂടി

ചങ്ങരംകുളം:വിറകിനുള്ളിൽ നിന്ന് ഉഗ്രവിശമുള്ള മൂർഖൻ പാമ്പിനെ പിടികൂടി.ശനിയാഴ്ച രാവിലെയാണ് ചങ്ങരംകുളം കാഞ്ഞിയൂര്‍ സ്വദേശി നുറുക്കിയിൽ സുലൈമാന്റെ വീട്ടിൽ വിറകുകള്‍ക്കുള്ളില്‍ മൂര്‍ഖനെ കണ്ടത്.വീടിന്റെ മതിലിന് സമീപം കൂട്ടിയിട്ടിരുന്ന വിറകിനും ചകിരിക്കും ഇടലായില്‍ മതിൽകെട്ടിനുള്ളിൽ പാതി കുടുങ്ങിയ നിലയിലായിരുന്നു വീട്ടുകാര്‍ പാമ്പിനെ കണ്ടത്.വീട്ടുകാര്‍ ഫോറസ്റ്റിനെ വിവരം അറിയിക്കുകയും ഫോറസ്റ്റ് ഉദ്ധ്യോഗസ്ഥര്‍ വിവരം നല്‍കിയതിനെ തുടര്‍ന്ന് ഫോറസ്റ്റ് സർപ്പ റെസ്ക്യൂ ഗാർഡ് കൂടിയായ അജി കോലളമ്പ് സ്ഥലത്ത് എത്തി അപകടകാരിയായ പാമ്പിനെ പിടികൂടുകയായിരുന്നു.ചെറിയ തോതിൽ മതില് പൊട്ടിച്ചാണ് മണിക്കൂറുകള്‍ നീണ്ട ശ്രമത്തിനൊടുവില്‍ പാമ്പിനെ പുറത്തെടുത്തത്.കുട്ടികളടക്കം വീട്ടുകാര്‍ നിരന്തരം ഇറങ്ങാറുള്ള സ്ഥലത്ത് നിന്ന് തലനാരിഴക്കാണ് വീട്ടുകാര്‍ മൂർക്കന്റെ കടിയേൽക്കാതെ രക്ഷപ്പെട്ടത്.