മാറഞ്ചേരി:കേരള മുസ്ലിം നവോത്ഥാനത്തിൻ്റെ ചാലക ശക്തിയായി വർത്തിച്ച മുജാഹിദ് പ്രസ്ഥാനത്തിൻ്റെ പ്രബോധന വിഭാഗമായ വിസ്ഡം ഇസ്ലാമിക് ഓർഗനൈസേഷൻ
നിർഭയത്വം തൗഹീദിലൂടെ’ എന്ന പ്രമേയത്തിൽ സംസ്ഥാന വ്യാപകമായി നടന്നുവരുന്ന അഹ്ലുസ്സുന്ന ആദർശ പ്രയാണത്തിന്റെ ഭാഗമായി മാറഞ്ചേരി മണ്ഡലം സമ്മേളനം സംഘടിപ്പിക്കും.മെയ് രണ്ടാം തീയതി മാറഞ്ചേരി സെൻ്ററിൽ സംഘടിപ്പിക്കുന്ന സമ്മേളനം വിസ്ഡം മലപ്പുറം (സൗത്ത്) ജില്ലാ പ്രസിഡൻ്റ് അബ്ദുൽ ലത്തീഫ് സുല്ലമി ഉദ്ഘാടനം ചെയ്യും. ബഹുമാന്യ പണ്ഡിതൻ മുനീർ നജാത്തി പ്രമേയ വിശദീകരണം നടത്തും. സമ്മേ ളനത്തിൽ ജില്ലാ സെക്രട്ടറി അബ്ദുസ്സമദ് മാസ്റ്റർ, മണ്ഡലം ഭാരവാഹികളായ ശരീഫ് വടക്കൂട്ട്, റാഫി സ്വലാഹി, റാഷിദ് അൻസാരി, അനീഷ് സ്വബാഹി,
സ്വാദിഖ് എരമംഗലം
ആദിൽ വടക്കൂട്ട് എന്നിവർ സംബന്ധിക്കും.
ഏപ്രിൽ 10-ന് ആരംഭിച്ച് മെയ് 20 വരെ നീണ്ടുനിൽക്കുന്ന ആദർശ പ്രയാണം കേരളത്തിന്റെ മുക്കിലും മൂലയിലും വലിയ സ്വാധീനമാണ് ചെലുത്തിക്കൊണ്ടിരിക്കുന്നത്. കാമ്പയിൻ്റെ ഭാഗമായി ഗൃഹ സമ്പർക്കം, വാഹന പ്രചാരണം, ലഘുലേഖാ വിതരണം എന്നിവയും മണ്ഡലത്തിൽ നടന്നു വരുന്നു.യഥാർത്ഥ സമാധാനവും നിർഭയത്വവും അന്വേഷിക്കുന്ന ജനതക്ക് വലിയ പ്രതീക്ഷയാണ് പ്രമേയത്തിലൂടെ നൽകുന്നത് എന്ന്
സംഘാടകർ അവകാശപ്പെട്ടു.
മനുഷ്യൻ ഇന്ന് വലിയ തോതിൽ അനുഭവിക്കുന്ന ആത്മീയ ചൂഷകരുടെ നീരാളിപ്പിടുത്തത്തിൽ നിന്നും രക്ഷപ്പെടുത്തി
ശുദ്ധമായ ഏകദൈവ വിശ്വാസത്തിന്റെ പ്രസക്തി ജനങ്ങളിലേക്ക് എത്തിക്കുവാനും, സൃഷ്ടികളോടല്ല, സ്രഷ്ടാവായ അല്ലാഹുവോട് നേരിട്ട് പ്രാർത്ഥിക്കുവാനും അവനിൽ മാത്രം ഭരമേൽപ്പിക്കാനും പഠിപ്പിക്കുന്ന തൗഹീദ് മാത്രമാണ് യഥാർത്ഥ നിർഭയത്വത്തിലേക്കുള്ള ഏക വഴി. ആ സന്ദേശമാണ് ഈ പ്രയാണത്തിലൂടെ ഞങ്ങൾ ജനങ്ങളിലേക്ക് എത്തിക്കുന്നത്.വിസ്ഡം മണ്ഡലം ഭാരവാഹികളായ ഷെരീഫ് വടക്കൂട്ട്.മുഹമ്മദലി വെള്ളക്കട. സഹീർ വടക്കൂട്ട്,റാഫി സലാഹി മുജീബ് മൗലവി കോടത്തൂർ
സാദിഖ് എരമംഗലം എന്നിവർ വാര്ത്താസമ്മേളനത്തില് പങ്കെടുത്തു.
