പാവിട്ടപ്പുറത്ത് പരക്കെ മോഷണ ശ്രമം പോലീസ് പരിശോധന ശക്തമാക്കണമെന്ന് ആവശ്യം

ചങ്ങരംകുളം:പാവിട്ടപ്പുറത്തും പരിസര പ്രദേശത്തും വ്യാപകമായി മോഷണ ശ്രമം. നിരവധി വീടുകളിൽ വാതിലും ജനലുകളും കുത്തി തുറന്നു. പാവിട്ടപ്പുറം ജുമാമസ്ജിദ് പരിസരത്ത് പത്തോളം വീടുകളിൽ മോഷ്ടാവ് എത്തി. കഴിഞ്ഞ ദിവസം കോലിക്കരയിലും മോഷണ ശ്രമം ഉണ്ടായിരുന്നു.ചിയ്യാനൂര്‍ പാടത്ത് ഹോളോബ്രിക്സ് കമ്പനിയിലും കഴിഞ്ഞ ദിവസം മോഷണം നടന്നിരുന്നു.അതേസമയം പ്രദേശത്ത് പോലീസ് പട്രോളിംഗ് ശക്തമല്ലാത്തതാണ് മോഷ്ടാക്കൾക്ക് സൗകര്യമാകുന്നതെന്നാണ് നാട്ടുകാരുടെ ആരോപണം.അത്യുഷ്ണവും അപ്രതീക്ഷിത പവര്‍കട്ടും മോഷ്ടാക്കള്‍ക്ക് അനുകൂലമായസൗകര്യം ഒരുക്കുമെന്നും പ്രദേശത്ത് നൈറ്റ് പെട്രോളിങ് കാര്യക്ഷമമാക്കണമെന്നും നാട്ടുകാര്‍ ആവശ്യപ്പെട്ടു