കുന്നംകുളത്ത് നിയന്ത്രണം വിട്ട കാര്‍ മരത്തിലിടിച്ച് എരമഗലം സ്വദേശികളായ നാലുപേർക്ക് പരിക്ക്

കുന്നംകുളത്ത് നിയന്ത്രണംവിട്ട കാർ മരത്തിൽ ഇടിച്ച് നാല് പേര്‍ക്ക് പരിക്കേറ്റു.എരമംഗലം സ്വദേശികളായ 53 വയസുള്ള ബേബി 65 വയസുള്ള ശ്രീനിവാസൻ 6 വയസുള്ള തൃഷിക 32 വയസുള്ള ആര്യ എന്നിവർക്കാണ് പരിക്കേറ്റത്. തൃശ്ശൂർ റോഡിലെ പോലീസ് കോട്ടേഴ്സിന് സമീപത്ത് ചൊവ്വാഴ്ച ഉച്ചക്ക് ഒന്നരയോടെയാണ് അപകടം.ഇവര്‍ സഞ്ചരിച്ച കാര്‍ നിയന്ത്രണം വിട്ട് റോഡരികിലെ മരത്തില്‍ ഇടിച്ച് നില്‍ക്കുകയായിരുന്നു.അപകടത്തില്‍ പരിക്കേറ്റവരെ നാട്ടുകാര്‍ ചേര്‍ന്ന് കുന്നംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു