നെല്ലിശ്ശേരി എയുപി സ്കൂളിലെ അധ്യാപകർ47 വർഷത്തിനു ശേഷം ഒത്തുചേർന്നു

ചങ്ങരംകുളം:മൂന്നരപതിറ്റാണ്ടിലേറെക്കാലം വരെ കുടുംബാംഗങ്ങളെപ്പോലെ ഒന്നിച്ചു ജീവിച്ചു പിരിഞ്ഞ അധ്യാപക സുഹൃത്തുക്കളുടെ സംഗമം ഹൃദ്യമായി.നെല്ലിശ്ശേരി എയുപി സ്കൂളിലെ പൂര്‍വ്വകാല അധ്യാപകരാണ്
47 വർഷത്തിനുശേഷം ഒത്തുചേർന്നത്.തങ്ങളുടെ സഹപ്രവർത്തകനും ജൈവ കർഷകനുമായ നിള ചന്ദ്രൻ്റെ ഫാം ഹൗസിലാണ് അധ്യാപക സംഗമം നടന്നത്.സ്ഥാപനത്തിൽ ഇപ്പോൾ ജോലി ചെയ്യുന്നവരും ചേർന്നതോടെ പരിപാടി തലമുറകളുടെ സംഗമം കൂടിയായി മാറി.മൺ മറഞ്ഞ സഹപ്രവർത്തകരെ അനുസ്മരിച്ചും,ഗതകാല സ്മരണകൾ അയവിറക്കിയും,നിലവിലെ വിശേഷങ്ങൾ പങ്കുവെച്ചും നടന്ന സംഗമത്തിന് നാല്പതോളം വീടുകളിൽ നിന്നുമായെത്തിയ വിഭവങ്ങളടങ്ങിയ സദ്യയോടെയാണ് സമാപനമായത്.ഈ വർഷം ഹജ്ജ് കർമ്മത്തിന് പോകുന്ന സഹപ്രവർത്തകർക്ക് ചടങ്ങിൽ യാത്രയയപ്പ് നൽകി.പി. എം. ഉമ്മർ,
കെ. ചന്ദ്രൻ , അടാട്ട് വാസുദേവൻ,എ.അബ്ദുൾ ലത്തീഫ്,ജോൺ ബി പുലിക്കോട്ടിൽ,മുഹമ്മദ് കൊട്ടിലിൽ,കെ.വി. മുഹമ്മദ് കുട്ടി തുടങ്ങിയവർ പ്രസംഗിച്ചു.