വെടിക്കെട്ട് പുരയിലെ അപകടം’മണികണ്ഠന്റെ മൃതദേഹം നാട്ടിലെത്തിച്ച് സംസ്കരിച്ചു

ചങ്ങരംകുളം:തൃശ്ശൂരിലെ മുണ്ടത്തിക്കോട് വെടിക്കെട്ട് പുരയിലുണ്ടായ തീപിടുത്തത്തില്‍ മരിച്ച ചങ്ങരംകുളം സ്വദേശി മണികണ്ഠന്റെ മൃതദേഹം വീട്ടിലെത്തിച്ച് സംസ്കരിച്ചു.ആലംകോട് അട്ടേക്കുന്ന് താമസിച്ചിരുന്ന പള്ളിയാലില്‍ പറമ്പില്‍ മണികണ്ഠന്‍(60)ആണ് അപകടത്തില്‍ മരിച്ചത്.തിരിച്ചറിയാന്‍ കഴിയാത്ത രീതിയില്‍ ആയിരുന്ന മൃതദേഹം ശാസ്ത്രീയ പരിശോധനയിലൂടെ തിരച്ചറിഞ്ഞത്. ശേഷം നടപടിക്രമങ്ങള്‍ പൂര്‍ത്തിയാക്കി ബുധനാഴ്ച കാലത്ത് 9 മണിയോടെ തന്നെ ബന്ധുക്കള്‍ക്ക് വിട്ട് നല്‍കി.10.30 ഓടെ ആലംകോട് അട്ടേക്കുന്ന് വീട്ടിലെത്തിച്ച മൃതദേഹം 12 മണിയോടെ പൊന്നാനി പൊതുസ്മശാനത്തില്‍ എത്തിച്ച് സംസ്കരിച്ചു.മൃതദേഹം കൊണ്ട് വരുന്നതറിഞ്ഞ് ബന്ധുക്കളും നാട്ടുകാരുമായി നിരവധി പേര്‍ ഇവരുടെ വീട്ടിലെത്തിയിരുന്നു.മൃതദേഹം എത്തിയതോടെ വൈകാരികമായ രംഗങ്ങള്‍ക്കാണ് വീടും നാടും സാക്ഷ്യം വഹിച്ചത്.കല്‍പണിക്കാരനായിരുന്ന മണികണ്ഠന്‍ സീസണ്‍ സമയങ്ങളില്‍ മാത്രം വെടിക്കെട്ട് നിര്‍മാണ പ്രവൃത്തികള്‍ക്ക് പോകുമായിരുന്നു.അപകടസമയത്ത് സുഹൃത്തുക്കളും ബന്ധുക്കളുമായി അഞ്ചോളം പേരുണ്ടായിരുന്നു.ഇതില്‍ നാല് പേര്‍ മരിച്ചു.ഒരാള്‍ മാത്രമാണ് ഗുരുതരമായി പരിക്കേറ്റ് ചികിത്സയില്‍ അവശേഷിക്കുന്നത്.മണികണ്ഠന്റെ അച്ചന്റെ സഹോദരന്റെ മകളുടെ ഭര്‍ത്താവ് കുളത്തൂര്‍ സ്വദേശി സുബ്രമണ്യന്‍.സുഹൃത്തുക്കളായ എടപ്പാള്‍ സ്വദേശി വിജയനും,കുമരനല്ലൂര്‍ സ്വദേശി വാസുദേവനും മരണത്തിന് കീഴടങ്ങി. മുന്‍ ബ്ളോക്ക് മെമ്പര്‍ ഉഷ ആണ് മണികണ്ഠന്റെ ഭാര്യ.മകള്‍ രേഷ്മ.മരുമകന്‍ ദിവ്യരാജ്