ഹിപ്നോട്ടിസത്തിൽ ലോക റെക്കോർഡ്;എടപ്പാളിന്റെ മുഹമ്മദ് ഷരീഫ് സിയ്ക്ക് അന്താരാഷ്ട്ര അംഗീകാരം

എടപ്പാൾ:ഹിപ്നോട്ടിസം രംഗത്ത് ശ്രദ്ധേയമായ നേട്ടം കൈവരിച്ച് എടപ്പാൾ സ്വദേശിയായ മുഹമ്മദ് ഷരീഫ് സിയ്ക്ക് Worldwide Book of Records അംഗീകാരം ലഭിച്ചു.Arm Catalepsyയും Hypnotic Glove Anaesthesiaയും ഉപയോഗപ്പെടുത്തി നടത്തിയ Flame Touch Demonstration വിജയകരമായി അവതരിപ്പിച്ചതിനാണ് ഈ അന്താരാഷ്ട്ര റെക്കോർഡ് അംഗീകാരം.ഇന്ത്യൻ തപാൽ വകുപ്പിലെ ജീവനക്കാരനും എടപ്പാളിലെ ആരോഗ്യനികേതനം ആയുർവേദ ആശുപത്രിയിലെ മാർക്കറ്റിംഗ് എക്സിക്യൂട്ടീവുമായ മുഹമ്മദ് ഷരീഫ് സി,ഔദ്യോഗിക ജോലികൾക്കൊപ്പം ഹിപ്നോട്ടിസം,മെന്റലിസം മേഖലകളിൽ സജീവമായി പ്രവർത്തിച്ചുവരികയാണ്. ശാസ്ത്രീയ പരിശീലനവും തുടർച്ചയായ പരിശ്രമവും ആത്മവിശ്വാസവുമാണ് ഈ നേട്ടത്തിന് പിന്നിലെ ശക്തി.രാജ്യത്തിന്റെ വിവിധ ഭാഗങ്ങളിൽ നിന്നുള്ള വിദഗ്ധരുടെ സാന്നിധ്യത്തിൽ നടന്ന ചടങ്ങിലാണ് Worldwide Book of Records സർട്ടിഫിക്കറ്റും മെഡലും മുഹമ്മദ് ഷരീഫ് സിക്ക് സമ്മാനിച്ചത്. ഈ നേട്ടം എടപ്പാളിനും കേരളത്തിനും അഭിമാനമാണെന്ന് സാമൂഹിക,സാംസ്കാരിക, തൊഴിൽ മേഖലകളിലെ പ്രമുഖർ അഭിപ്രായപ്പെട്ടു.ലോക റെക്കോർഡ് അംഗീകാരം നേടിയ മുഹമ്മദ് ഷരീഫ് സിക്ക് ഇന്ത്യൻ തപാൽ വകുപ്പ് സഹപ്രവർത്തകരും ആരോഗ്യനികേതനം ആയുർവേദ ആശുപത്രി മാനേജ്മെന്റും ജീവനക്കാരും സുഹൃത്തുക്കളും നാട്ടുകാരും അഭിനന്ദനങ്ങൾ അറിയിച്ചു.