തണൽ വാർഷികം:മേഖലാ അയൽ കൂട്ട സംഗമങ്ങൾ സമാപിച്ചു

മാറഞ്ചേരി:പലിശക്കെതിരെ ഒരു ജനകീയ തീർത്ത തണൽ വെൽഫെയർ സൊസൈറ്റിയുടെ പതിനേഴാം വാർഷികത്തിന് മുന്നോടിയായി പതിനാല് പ്രദേശങ്ങളിൽ സംഘടിപ്പിച്ച സംഗമം അയൽ കൂട്ട മേഖലാ സംഗമങ്ങൾ കഴിഞ്ഞ ദിവസം സമാപിച്ചു.പലിശക്കെണിയിൽ നിന്ന് തങ്ങൾക്ക് മോചനം നൽകിയ തണലിൻ്റെ മേഖലാ സംഗമങ്ങളിൽ ആവേശപൂർവ്വമാണ് അയൽ കൂട്ട അംഗങ്ങൾ പങ്കെടുത്തത്. വിവിധ സ്ഥലങ്ങളിൽ നടന്ന സമ്മേളനങ്ങൾ ഗ്രാമ പഞ്ചായത്ത് പ്രസിഡൻ്റ് ടി.ശ്രീജിത്, വൈ. പ്രസിഡൻ്റ് കദീജ മൂത്തേടത്ത്, വാർഡ് മെമ്പർമാരായ എൻ . കെ.അബ്ദുന്നാസർ, എം. ടി. നജീബ്, ഷിജിൽ മുക്കാല, മുസ്തഫ വടമുക്ക്, മാറഞ്ചേരി ചാരിറ്റബിൾ ട്രസ്റ്റ് പ്രസിഡൻ്റ് കാട്ടിൽ മുഹമ്മദ് കുട്ടി,പീപ്പിൾസ് ഫൗണ്ടേഷൻ കോർഡിനേറ്റർ പി .ഇബ്രാഹിം കുട്ടി, എഴുത്തുകാരൻ ഏ.ടി. അലി, എം.എം.ഖദീജ, എം. ഇ. നസീർ മാസ്റ്റർ എന്നിവർ ഉദ്ഘാടനം നിർവ്വഹിച്ചു.യോഗങ്ങളിൽ തണൽ പ്രസിഡൻ്റ് ടി. പി. നാസർ അധ്യക്ഷത വഹിച്ചു. തണൽ സെക്രട്ടറി എ. അബ്ദുൾ ലത്തീഫ് മുഖ്യപ്രഭാഷണം നടത്തി.ഭാരവാഹികളായ എ. മുഹമ്മദ് മുബാറക്, പി. അബ്ദുസ്സമദ്, യു. സാലിഹ്, എ. മൻസൂർ, ചിറ്റാറയിൽ കുഞ്ഞു, കെ.വി. മുഹമ്മദ് എന്നിവർ പ്രസംഗിച്ചു. സംഗമങ്ങൾക്ക് കോർഡിനേറ്റർ റമീനാ ഫാരിഷ്, ആരിഫാ ബഷീർ,ഹൈറുന്നിസ, ജാബിറ , റംഷിയ, സക്കീന എന്നിവർ നേതൃത്വം നൽകി.
ഈ മാസം 30 ന് നടക്കുന്ന വാർഷികത്തിന് മുന്നോടിയായി നടത്തുന്ന വിവിധ മത്സരങ്ങൾ ചൊവ്വാഴ്ച മുതൽ ആരംഭിക്കും. വിപണന മേളകൾ 29,30 തിയ്യതികളിൽ സീഡ് ടർഫ് ഗ്രൗണ്ടിൽ നടക്കും. 29 ന് സ്ത്രീകൾക്കെതിരെ നടക്കുന്ന അതിക്രമങ്ങൾക്കെതിരെ പ്രതിഷേധ റാലിയും നടക്കും.