പ്രവാസ ജീവിതം നിര്‍ത്തി നാട്ടിലേക്ക് തിരിച്ച ബഷീർ പള്ളിപ്പാട്ടിന് യാത്രയയപ്പ് നൽകി

ചങ്ങരംകുളം:38 വർഷത്തെ ഖത്തർ പ്രവാസ ജീവിതം അവസാനിപ്പിച്ച് നാട്ടിലേക്ക് മടങ്ങുന്ന ബഷീർ പള്ളിപ്പാട്ടിന് ഖത്തർ ചെറുവല്ലൂർ നൂറുൽ ഇസ്ലാം കമ്മിറ്റി യാത്രയയപ്പ് നൽകി.പ്രസിഡണ്ട് പി ഷമീറിന്റെ അധ്യക്ഷതയിൽ നടന്ന യാത്രയയപ്പിന് സിദ്ദിഖ് ചെറുവല്ലൂർ ആമുഖ പ്രഭാഷണം നടത്തി.ഉപദേശക സമിതി അംഗങ്ങളായ അബ്ദുറഹ്മാൻ പാവൂരയിൽ,കെ ഷാഹുൽ ഹമീദ്,സിവി ബഷീർ എന്നിവർ ആശംസകൾ അർപ്പിച്ചു.മെമ്പർമാരായ പി നൗഷാദ്, ഷാഫി കല്ലാട്ടേൽ , ഫൈസൽ വാഴമ്മലയിൽ, വി ഫാരിസ് തുടങ്ങിവർ പങ്കെടുത്തു.ദീർഘാകാലം കമ്മിറ്റിയുടെ ഭാരവാഹിയായും എക്സിക്യൂട്ടീവ് അംഗം എന്ന നിലയിലും ചെറുവല്ലൂർ മഹല്ലിന്റെയും, പ്രദേശവാസികളുടെയും ക്ഷേമ പ്രവർത്തനങ്ങളിലും, പ്രവാസി സമൂഹത്തിന് വേണ്ടിയും നിസ്വാർത്ഥ സേവനം കാഴ്ചവെച്ച ജീവിതമായിരുന്നു ബഷീറിന്റേതെന്ന് ഭാരവാഹികൾ പറഞ്ഞു.യോഗത്തിൽ പങ്കെടുത്തവർക്ക് സെക്രട്ടറി റിയാസ് നന്ദി പറഞ്ഞു.