പെരുമ്പിലാവിൽ ടെമ്പോ ട്രാവലറും കാറും കൂട്ടിയിടിച്ച് അപകടം ‘യാത്രക്കാര്‍ക്ക് പരിക്ക് ‘അപകടത്തില്‍ പെട്ടത് വിനോദയാത്രക്ക് പോയ ചങ്ങരംകുളം സ്വദേശികള്‍ സഞ്ചരിച്ച ട്രാവലര്‍

പെരുമ്പിലാവ്:ചങ്ങരംകുളത്ത് നിന്ന് വിനോദയാത്രക്ക് പോയ ടെമ്പോ ട്രാവലറും കാറും കൂട്ടിയിടിച്ച് യാത്രക്കാര്‍ക്ക് പരിക്കേറ്റു.പെരുമ്പിലാവ് കോഴിക്കോട് റോഡിലെ കെ ആർ റസ്റ്റോറന്റിന് മുൻപിൽവെള്ളിയാഴ്ച കാലത്ത് 7 മണിയോടെയാണ് അപകടം.ചങ്ങരംകുളത്തു നിന്നും ആലപ്പുഴയിലേക്ക് വിനോദയാത്ര പോവുകയായിരുന്ന ട്രാവലറും നെടുമ്പാശ്ശേരി എയർപോർട്ടിൽ നിന്ന് വരികയായിരുന്ന കോഴിക്കോട് സ്വദേശികൾ സഞ്ചരിച്ച കാറുമാണ് അപകടത്തിൽപ്പെട്ടത്.കാർ ഡ്രൈവർ കോട്ടയം കുമരകം സ്വദേശി 35 വയസ്സുള്ള പ്രവീൺകുമാർ,ട്രാവലറിലെ യാത്രക്കാരനായ ചങ്ങരകുളം ഉദിനുപറമ്പ് സ്വദേശി 43 വയസ്സുള്ള സന്തോഷ് എന്നിവർക്കാണ് പരിക്കേറ്റത്.ട്രാവലറിൽ സ്ത്രീകളും കുട്ടികളും അടക്കം പതിനഞ്ചോളം പേർ ഉണ്ടായിരുന്നു.അപകടത്തിൽ പലർക്കും സാരമായ പരിക്കുകൾ ഏറ്റെങ്കിലും ആരുടെയും പരിക്കുകൾ ഗുരുതരമല്ല.പരിക്കേറ്റവരെ നാട്ടുകാർ ചേർന്ന് പെരുമ്പിലാവ് അൻസാർ ആശുപത്രിയിൽ പ്രവേശിപ്പിച്ചു.അപകടത്തിൽ ഇരു വാഹനങ്ങളുടെയും മുൻവശം തകർന്നു